لەدوای بوومەلەرزە وێرانکەرەکە؛ شاکیرا قوتابخانەکانی کۆڵۆمبیا دروستدەکاتەوە
- زیاتر لە 10 قوتابخانە دروستدەکاتەوە
- هاوکارییەکە بە هاوبەشی لەگەڵ دامەزراوەی بافێتە
- 500 هەزار دۆلار بۆ ئاوەدانکردنەوەی قوتابخانەکان تەرخاندەکرێت
شاکیرا ڕایگەیاند، زیاتر لە 10 قوتابخانەی کۆڵۆمبیا دروستدەکاتەوە ئەوەش دوای بوومەلەرزە کارەساتبارەکەی لەو وڵاتە ڕوویدا و سەدان باڵەخانەی لەناوبرد.
شاکیرا، خانمە هونەرمەندی کۆڵۆمبی، ، ئەم بەڵێنەی لە میانی گەشتێکیدا بۆ یەکێک لە ناوچە زیانلێکەوتووەکانی کۆڵۆمبیا ڕاگەیاند، کە بەهۆی گەورەترین بوومەلەرزەی مێژووی وڵاتەکەوە وێران بووە.
شاکیرا لە لێدوانەکەیدا ڕایگەیاند، "ئەوەی زۆر نیگەرانم دەکات ئەوەیە کە قوتابخانەکان ئاوەدان ناکرێنەوە کاتێک ئەم بارودۆخە نائاساییە تەواو دەبێت".
وتیشی، "هەر ڕۆژێک کە منداڵان ناچنەوە بۆ قوتابخانە، ڕۆژێک لە داهاتوویان لەدەست دەدەن".
هاوکارییەکە بە هاوبەشی لەگەڵ دامەزراوەی هاوارد جی بافێتە و هاوبەشی پڕۆژەی ئاوەدانکردنەوەکە دەکات شانبەشانی ڕێکخراوی خێرخوازی شاکیرا.
شاکیرا ئەوەشی ئاشکراکردووە کە هەردوو کۆمپانیای گڵۆباڵ سیتیزن و لایڤ نەیشن هەریەکەیان بەڵێنیان داوە 500 هەزار دۆلار ببەخشن بۆ هەوڵەکانی ئاوەدانکردنەوەی قوتابخانەکان.
بەپێی ئامارە فەرمییەکان، بوومەلەرزەکەی کۆڵۆمبیا کە بە گوڕی 4.7 پلە بەشێکی بەرفراوانی ڕۆژئاوای کۆڵۆمبیای لە 10ی ئابدا هەژاند و لانیکەم 287 کەس گیانیان لەدەستداوە و زیاتر لە 26 هەزار ماڵیش وێران بووە.
3 کاتژمێر پێش ئێستا