پووختەی هەواڵەکە:

• ئێزدییە ڕزگاربووەکان: ڕێگەنادەین لە ململانێ سیاسییەکان بەکارمان بهێنن

• ئێزدییە ڕزگاربوووەکان :لە 2014ـەوە بە دەست لێکەوتەکانی ئەو تاوانەوە دەناڵێنن.

• ئێزدییە ڕزگاربوووەکان :تاوەکو ئێستا چارەنووسی هەزار ڕفێنراویان نادیارە

• ئێزدییە ڕزگاربوووەکان : زۆرێک لە ڕزگاربووانیان بە دەستی شوێنەواری جەستەیی، دەروونی، کۆمەڵایەتی و ئابووری ئەو تاوانەوە دەناڵێنن.

---

ڕزگاربووانی ئێزدی، دژی هەموارکردنەوەی یاسای ڕزگاربووانی ئێزدییەکانی دەستی داعشن و دەڵێن، ڕێگەنادەن لە ململانێ سیاسییەکاندا سازشیان پێوەبکرێت.

---

 ڕاگەیێنراوی ژنان و پیاوانی ئێزدی ڕزگاربووی دەستی داعش

ژنان و پیاوانی ئێزدی ڕزگاربووی دەستی داعش لە ڕاگەیێنراوێکدا، هەموو هەوڵەکانی هەموارکردنەوەی یاسای ژمارەی 8ـی ساڵی 2021 ڕەتدەکەنەوە، کە تایبەتە بە ڕزگاربووانی ئیزدی دەستی داعش و دەڵێن، لە 2014ـەوە بە دەست لێکەوتەکانی ئەو تاوانەوە دەناڵێنن و تاوەکو ئێستا چارەنووسی هەزار ڕفێنراویان نادیارە و زۆرێک لە ڕزگاربووانیان بە دەستی شوێنەواری جەستەیی، دەروونی، کۆمەڵایەتی و ئابووری ئەو تاوانەوە دەناڵێنن.

یاساکە بە هەنگاوێکی گرنگی دەوڵەتی عێراق دەزانن

• یاساکە بۆ دانپێدانان بە نەهامەتی قوربانییان و قەرەبووکردنەوەیان ناودەبەن.

• دەستبەردن بۆ یاساکە لەژێر هیچ پاساوێکدا قبوڵ ناکەن.

• پاشگەزبوونەوەی حکومەت لە بەرپرسیارێتییەکانی بەرامبەر بە کۆمەڵکوژییەکان دەزانن.

• ئەوەی بەسەریاندا هاتووە، تەنیا هۆکارەکەی ئێزدی بوونیان بووە و پێویستە ئەو تایبەتمەندییەیان لەبەرچاو بگیرێت.

هەر لە ڕاگەیێنراوەکەدا، ڕزگاربووانی ئێزدی ئەو یاسایە بە هەنگاوێکی گرنگی دەوڵەتی عێراق بۆ دانپێدانان بە نەهامەتی قوربانییان و قەرەبووکردنەوەیان ناودەبەن، دەستبەردن بۆ یاساکە لەژێر هیچ پاساوێکدا قبوڵ ناکەن و بە پاشگەزبوونەوەی حکومەت لە بەرپرسیارێتییەکانی بەرامبەر بە کۆمەڵکوژییەکان دەزانن و جەختلەوە دەکەنەوە، ئەوەی بەسەریاندا هاتووە، تەنیا هۆکارەکەی ئێزدی بوونیان بووە و پێویستە ئەو تایبەتمەندییەیان لەبەرچاو بگیرێت.

یاساکە و پاراستنی ئێزدییەکان بەشێکە لە بەرپرسیارێتی دەوڵەت

ئێزدییە ڕزگاربووەکان دەڵێن، ئەو یاسایە وەک پاداشت و تایبەتمەندیی نییە، بەڵکو بەشێکە لە بەرپرسیارێتی دەوڵەت بەرامبەر بە قوربانییانی تاوانی کۆمەڵکوژی، هەروەها دانپێدانانێکی فەرمییە لەسەر ئەوەی بەسەریاندا هاتووە و داوادەکەن هەر هەموارکردنەوەیەکی یاساکە بە ڕاوێژی ڕاستەقینە بێت لەگەڵ ڕزگاربووان و نوێنەرانی کۆمەڵگەی ئێزدی و گرەنتییەکی تەواوەتی دەستنەبردن بۆ مافەکانیان بکات و هیچ بۆشاییەک لە یاساکە دروست نەبێت، کە ئەو کەسانەی لە تاوانەکانی داعشدا تێوەگلاون سوودی لێوەربگرن.

ڕزگاربووانی ئێزدی داوایە ئاڕاستەی حکومەت و ئەنجوومەنی نوێنەرانی عێراق دەکەن

ڕزگاربووانی ئێزدی داوا لە حکومەتی عێراق و ئەنجوومەنی نوێنەران دەکەن، هیچ گۆڕانکارییەک لە یاساکەدا نەکەن و دەست بۆ مافی ڕزگاربووان نەبن، هەروەها پەلەبکرێت لە گەڕان بە دوای چارەنووسی بێسەروشوێنبووەکان و بەدیهاتنی دادپەروەری و سزادانی ئەوکەسانەی لە تاوانی کۆمەڵکوژییەوە تێوەگلاون و گرەنتی دەربازنەبوونی هەموو ئەو کەسانە لە سزادان بکرێت.

زانیاری زیاتر بۆ تۆ

سەرۆککۆمار: بەدیهێنانی دادپەروەری بۆ ئێزدییەکان ئەرکێکی نیشتمانی و ئەخلاقییە

بافڵ جەلال تاڵەبانی: پشتیوانی ماف و خواستەکانی خوشک و برا ئێزدییەکانمان دەبین

بافڵ جەلال تاڵەبانی: ئاوەدانکردنەوەی شنگال لە ئاست زامی ئێزدییەکان نییە