پوختەی هەواڵ:

• خۆرخی لۆرێنزۆ ڕەخنە لە تیمی یاماها دەگرێت بەهۆی کۆتاییهێنان بە گرێبەستەکەی دوای وەرزێک لە کارکردنی لەو تیمە وەک شۆفێری تاقیکردنەوەکان.
• لۆرێنزۆی سێجار پاڵەوانی 'مۆتۆ جی پی' ئاماژە بەوە دەکات کە ئەزموونێکی زۆری هەیە و دەیتوانی گۆڕانکاریی ئەرێنی لە گەشەپێدانی ماتۆڕسکیلەکەدا بکات.
• لۆرێنزۆ دان بەوەشدا دەنێت، کە خودی خۆی کەمتەرخەم بووە و داوای پشووی کردووە بەهۆی 18 ساڵ کێبڕکێکردن لە بوارەکەدا.
• ڕەخنەکانی لۆرێنزۆ هاوکاتن لەگەڵ هەوڵەکانی یاماها بۆ پەرەپێدانی بزوێنەری نوێی چوار سلیندەری.

خۆرخی لۆرێنزۆ، کە سێجار پاڵەوانی پێشووی جیهانە لە ڕکابەرییەکانی 'مۆتۆ جی پی'، ڕەخنەی توند لە بڕیارێکی کۆمپانیای یاماها دەگرێت سەبارەت بە دەستبەرداربوون لە خزمەتەکانی دوای تەنیا وەرزێک لە کارکردنی وەک شۆفێری تاقیکردنەوە.

شۆفێرە ئیسپانییەکە جەخت لەوە دەکاتەوە، کە زانیاری و ئەزموونی ئەوەندەی هەبووە لە داهاتوودا ڕۆڵێکی یەکلاکەرەوە لە گەشەپێدانی ئاستی تەکنیکیی ماتۆڕسکیلەکەدا ببێنێت.

لۆرێنزۆ دان بەوەدا دەنێت کە بەهۆی پێویستیی بە دوورکەوتنەوە لە گوشارەکان و دوای 18 ساڵ بەردەوامی لە ئاستی بەرزی ڕکابەرییەکاندا، نەیتوانیوە بە تەواوی جەخت لەسەر ئەرکەکەی بکاتەوە، بەڵام هاوکات باسیش لەوە دەکات کە ئەزموونە دەوڵەمەندەکەی سەرچاوەیەکی گرنگ بوو بۆ هاوکاریکردنی یاماها.

گرنگیی شۆفێری تاقیکردنەوەکان

ئەم لێدوانانەی لۆرێنزۆ لە کاتێکدایە کۆمپانیای یاماها کار لەسەر گەشەپێدانی ماتۆڕسکیلەکەی دەکات، بە تایبەتی لە ڕێگەی داڕشتنی بزوێنەرە نوێیەکەی کە لە چوار سلیندەری جۆری (V) پێکدێت.

لە ئێستادا ڕۆڵی شۆفێری تاقیکردنەوە لە جیهانی مۆتۆ جی دیدا بایەخێکی ستراتیجیی هەیە، بە جۆرێک کۆمپانیاکانی وەک دوکاتی، کەی تی ئێم (KTM) و هۆندا بە شێوەیەکی بەرفراوان پشت بە شۆفێرە خاوەن ئەزموونەکان دەبەستن بۆ ئاڕاستەکردن و خێراکردنی پرۆسەکانی پەرەپێدان.