پوختەی هەواڵ:

• وەرزی نوێی لالیگا دەستیپێکرد
• یارییەکەی ئەمشەوی بەرشلۆنە یارییەکی دواخراوی هەفتەی یەکەمە
• ئەمشەو بەرشلۆنە لە یاریگای خۆیدا میوانداریی ئەتلەتیک بلباو دەکات
• بەرشلۆنە سێ خاڵی هەیە و پلەی شەشەمی ڕیزبەندیی گرتووە

سێ خاڵ بۆ ئەوەی بگەنەوە پلەکانی سەرەوە

ئەمشەو بەرشلۆنە دووەم یاریی خۆی لەم وەرزەی لالیگا ئەنجامدەدات، کاتژمێر 22:00 بەکاتی هەرێمی کوردستان لە یاریگای سپۆتیفای تایبەت بە خۆی میوانداریی ئەتلەتیک بلباو دەکات.

یەکەم یاریی کەتەلۆنیەکان لە ئێلچیان بردەوە، سێ خاڵیان بەدەستهێنا.

لەلایەکی دیکەوە هەریەکە لە ریاڵ مەدرید و سێڤیا و بێتیس یەکی شەش خاڵیان هەیە، تۆپی سێی ڕیزبەدنییان گرتووە، بۆیە بەرشلۆنە بە سێ خاڵ دەتوانێت بگاتەوە پلەی چوارەم.

ڕیزبەندیی لالیگا:

1. ریاڵ مەدرید - 6 خاڵ
2. سێڤییا - 6 خاڵ
3. بێتیس - 6 خاڵ
4. ئالاڤێس - 4 خاڵ
5. ئەتلەتیکۆ - 4 خاڵ
6. بەرشلۆنە - 3 خاڵ
7. ئیسپانیۆل - 3 خاڵ

بۆ یارییەکی ئەمشەو، هەریەکە لە ڕوونی بارداخچی، دی یۆنگ، گاڤی، مارک کاسادۆ و هیکتۆر فۆرت بەشداریی ناکەن، پێشبینیش دەکرێت رۆدری یەکەم یاریی خۆی ئەنجامبدات.