پووختەی هەواڵەکە

• وەزارەتی دارایی و ئابووریی هەرێمی کوردستان ڕۆژی دووشەممە 31ـی ئابی 2026ـی وەک کۆتا وادە بۆ وەرگرتنی مووچە بەشێوەی کاش دیاریکردووە.

• دوای بڕینی مووچەی کاش، مووچەخۆران لەڕێگەی پڕکردنەوەی فۆڕمی هەژماری من و وەرگرتنی کارتی بانکی مووچەکانیان بۆ دەگێڕدرێتەوە.

• تیمی هەژماری من ڕایگەیاندووە زیاتر لە 60 هەزار کارتی بانکی لە بانکە گشتییەکان ئامادەن و پرۆسەی دابەشکردنیان بەردەوام دەبێت.

---

بەگوێرەی زانیارییەک، کە بە کەناڵ8 گەیشتووە لە وەزارەتی دارایی و ئابووری، بەپێی ڕێککەوتنیان لەگەڵ وەزارەتی دارایی فیدراڵ، وەرگرتنی مووچە بەشێوەی کاش لەم مانگەوە ڕادەوەستێت و ڕۆژی 31ـی ئاب کۆتا وادەیە، دوای پڕکردنەوەی فۆڕمی هەژماری من و وەرگرتنی کارت، مووچە بۆ مووچەخۆران دەگێڕدرێتەوە.

---

ئامادەکارییەکانی تیمی هەژماری من بۆ بەبانکیکردنی مووچە

• زیاتر لە 60 هەزار کارتی بانکی لە بانکە گشتییەکان ئامادەن بۆ ئەوەی مووچەخۆران وەریانبگرنەوە.

• لەم دوو ڕۆژەدا نزیکەی 30 هەزار کارتی دیکە دەنێردرێن بۆ بانکە گشتییەکان و ئامادە دەکرێن.

• نووسینگەی سەرەکیی هەژماری من لەڕێگەی کورتەنامەی مۆبایلەوە مووچەخۆران ئاگادار دەکاتەوە سەردانی بانکەکان بکەن.

• ژمارەی 50 هەزار کارتی بانکی لەژێر چاپکردندایە و تاوەکو هەفتەی داهاتوو و پێش دابەشکردنی مووچەی مانگی ئاب ئامادە دەبن.

دۆخی ئەو مووچەخۆرانەی فۆڕمەکەیان پڕنەکردووەتەوە

دەربارەی ئەوانەی تاوەکو ئێستا فۆڕمی هەژماری منیان پڕنەکردووەتەوە، بەگوێرەی داتای فەرمیی تیمی هەژماری من، تەنیا 3%ـی کۆی مووچەخۆران هێشتا فۆڕمەکەیان پڕنەکردووەتەوە، بەڵام پرۆسەی تۆمارکردن لە داهاتوودا بەردەوام دەبێت تا ئەوکاتەی سەرجەم مووچەخۆران فۆڕمەکە پڕدەکەنەوە.

زانیاریی زیاتر لەسەر بابەتەکە

بڕیاری کۆتاییهێنان بە بەخشینی مووچە بەشێوەی کاش لە چوارچێوەی ڕێککەوتنی نێوان وەزارەتی دارایی هەرێمی کوردستان و وەزارەتی دارایی فیدراڵدا دێت بۆ گواستنەوەی سەرجەم مووچەخۆران بۆ سیستەمی بانکی. سەرەڕای ڕاگرتنی مووچەی کاش لە دوای 31ـی ئابەوە، مافی شایستە داراییەکانی مووچەخۆران نافەوتێت و بە فۆڕمپڕکردنەوە و وەرگرتنەوەی کارتی بانکی لە بانکە گشتییەکاندا مووچەکانیان بۆ دەگێڕدرێتەوە.

زانیاریی زیاتر بۆ تۆ

بەڕێوەبەرایەتیی شەهیدان و ئەنفالکراوانی سلێمانی: داواکارین وادەی دروستکردنی هەژماری من درێژبکرێتەوە

هەژمارى من: ئەوانەی مووچەیان لەهەژماری منەوە نەبێت مووچەکانیان ڕادەوەستێت

وەزارەتی دارایی: هەر مووچەخۆرێک هەژماری منی نەبێت مووچەی مانگی 1ی پێنادرێت

دوای 31ی ئاب دابەشکردنی مووچە بە نەختینە لە هەرێمی کوردستان ڕادەگیرێت