جۆزێ مۆرینیۆی ڕاهێنەر، دوای گەڕانەوەی بۆ ڕیاڵ مەدرید دەستپێکێکی نموونەیی تۆمارکرد و توانی لە سێ یاریی لەسەریەکی خولی ئیسپانیادا سەرکەوتن بەدەستبهێنێت، کە تێیدا یاریزانەکانی 10 گۆڵیان تۆمارکرد.

ڕاهێنەرە پۆرتوگالییەکە ئومێدەوارە لە دەستپێکی قۆناغی کۆمەڵەکانی خولی یانە پاڵەوانەکانی ئەورووپا، بەرامبەر ئینتەر میلان کە یانەی پێشوویەتی، دەستپێکێکی هاوشێوەی هەبێت و ئاستێکی بەرز پێشکەش بکات، بەڵام مۆرینیۆ ڕووبەڕووی قەیرانێکی پێشوەختە بووەتەوە و ناچاری دەکات بەدوای چارەسەری نوێدا بگەڕێت بۆ هێڵی ناوەڕاست، دوای ئەوەی بە فەرمی ئامادەنەبوونی هەر سێ یاریزان ئاردا گویلەر، بێرناردۆ سیلڤا و ئیدواردۆ کاماڤینگا) بۆ یارییەکەیان بەرامبەر میوانە ئیتاڵییەکە لە یاریگای بێرنابیۆ پشتڕاستکرایەوە، بەهۆی سڕکردنیان لە وەرزی ڕابردووی پاڵەوانێتییەکەدا.

هەر سێ یاریزانەکە لە دوایین بەشداریکردنیان لە چامپیۆنزلیگ کارتی سووریان وەرگرتووە؛ گویلەر و کاماڤینگا بەرامبەر بایرن میونشن کرانە دەرەوە، لە کاتێکدا بێرناردۆ سیلڤا ئەو کاتەی درێسی مانچێستەر سیتی پۆشیبوو، بەرامبەر ڕیاڵ مەدرید کرایە دەرەوە.