شاندێکى دژەتیرۆرى هەرێمى کوردستان سەردانى دەزگاى دژەتیرۆرى عێراقى کرد
پووختەی هەواڵەکە:
- شاندەکەی دژەتیرۆر لە بەغداد لەگەڵ فەریق ڕوکن زەید حوشی، بەرپرسی دەزگاکە کۆبوونەوە.
- تاوتوێکردنی هەماهەنگی و هاوکاریی نێوان هەردوو دەزگای دژەتیرۆری هەرێمی کوردستان و عێراق.
وەهاب هەڵەبجەیی، بەڕێوبەری گشتیی دژەتیرۆر CTG، لەگەڵ ژمارەیەک لە ئەفسەرانی باڵای بەڕێوبەرایەتییەکە، سەردانی بارەگای دەزگای دژەتیرۆری عێراق ICTS لە شاری بەغداد کرد و لەگەڵ فەریق ڕوکن زەید حوشی، بەرپرسی دەزگاکە کۆبوونەوە.
ناوەرۆکی کۆبوونەوەکەی نێوان هەردوو دەزگای دژەتیرۆر
- جەختکردنەوە لەسەر فراوانترکردنی هاوکاریی ئەمنی، هەواڵگری و مەیدانی لە نێوان هەردوولا.
- جەختکردنەوە لەسەر بەردەوامی و بەهێزکردنی پاڵپشتییەکان بۆ یەکدی و فەراهەمکردنی ژنگەیەکی ئارام بۆ هەرێمی کوردستان و سەرتاسەری عێراق.
- هەردوولا لە ماوەی ڕابردوودا پشتیوانێکی بەهێزی یەکدى بوون بە ئاڵوگۆڕی زانیاریی هەواڵگریی ورد و هەماهەنگیی ئەمنییان لەنێوانیاندا هەبووە.
بەهێزکردنی پەیوەندی و هەماهەنگی نێوان هەردوولا
هەردوولا لەسەر پەرەپێدانی پەیوەندی و بەهێزکردنی هەماهەنگیی نێوان دژەتیرۆری هەرێمی کوردستان- CTG و دەزگای دژەتیرۆری عێراق - ICTS گفتوگۆیان کرد و جەختیان لەسەر فراوانترکردنی هاوکاریی ئەمنی، هەواڵگری و مەیدانی کردەوە.
بە مەبەستی نەهێشتنی مەترسییەکانی تیرۆر، پاراستنی ئاسایش و سەقامگیری و دابینکردنی ژینگەیەکی ئارام و پارێزراو لە هەرێمی کوردستان و سەرتاسەری عێراق، هەردوو دەزگای دژەتیرۆر، جەختیان لەسەر بەردەوامی و بەهێزکردنی پاڵپشتییەکان بۆ یەکدی کردەوە.
جەختکردنەوە لە ئاڵوگۆڕی زانیاریی هەواڵگریی ورد
لە ڕاگەیێنراوى کۆبوونەوەکەدا ئاماژە بەوەشکراوە، هەردوو دامەزراوەی ڕووبەڕووبوونەوەی تیرۆر و هەواڵگری لە ماوەی ڕابردوودا پشتیوانێکی بەهێزی یەکدى بوون بە ئاڵوگۆڕی زانیاریی هەواڵگریی ورد و هەماهەنگیی ئەمنییان لەنێوانیاندا هەبووە.
جەختکراوەتەوە، پەیوەندییەکان، ڕۆڵێکی گرنگی لە بەرەنگاربوونەوە و بنبڕکردنی گرووپ، هەڕەشە تیرۆریستییەکان و دەستگیرکردنی داواکراوان بەگوێرەى یاسا هەبووە.
زانیاری زیاتر بۆ تۆ
دژەتیرۆر لە هەولێر ڕاگەیێنراوێکى لەبارەى هێرشەکانى ئەمشەوى هەولێر بڵاوکردەوە
3 کاتژمێر پێش ئێستا