پووختەى هەواڵەکە

• بە تۆمەتی سوکایەتیکردن بە ئەردۆغان لێکۆڵینەوە لە ئەحمەد داودئۆغڵو دەستیپێکرد.
• داودئۆغڵو هاوڕێی ئەردۆغان بووە و یەکێک بوو لە دامەزرێنەرانی ئاکپارتی.

---

داواکاریی گشتیی ئەنقەرە ئەمڕۆ پێنجشەممە، 3ـى ئەیلوولى 2026، لە ڕاگەیێراوێکدا ئاماژەى بەوەکردووە، لێکۆڵینەوە لە ئەحمەد داودئۆغڵو، سەرۆکی پارتی ئایندەی هەڵوەشاوە دەستیپێکردووە و لێکۆڵینەوەکان بە وردی و هەستیارییەوە بەڕێوەدەچن.

---

بە گوێرەى ڕاگەیێنراوەکە

• لە ماددەی 1/299ـی یاسای سزادانی تورکی، داودئۆغڵو، سوکایەتی بە سەرۆککۆماری وڵات کردووە.
• داودئۆغڵو هاوڕێی ئەردۆغان بووە و یەکێک بوو لە دامەزرێنەرانی ئاکپارتی.
• دواتریش بووە وەزیری دەرەوە و سەرۆکوەزیرانی تورکیا.
• بەهۆی ناکۆکییە سیاسییەکانی لەگەڵ ئەردۆغان، ئاکپارتی بەجێهێشت و لە کۆتایی 2019 پارتی ئایندەی دامەزراند و کۆتایی مانگى تەمموزى ئەمساڵ پارتەکەى هەڵوەشاندەوە.

لە 2022 چى بە ئەردۆغان گوتووە؟

میدیای تورکیا دەڵێت، هۆکاری لێکۆڵینەوەکە ئەو قسانەی داودئۆغڵویە کە لە2022  کردوونی و تیایدا لە بارەی ئەردۆغان و بەرپرسەکانی ئاکپارتی دەڵێت، بە ملیاران دۆلاریان خستە سەر پارەکانیان و پارووی حەرامیان خوارد، دەوروبەری خۆیان دەوڵەمەند کرد. زاوای خۆی کردە وەزیر، خزمەکانی خۆی دەوڵەمەند کرد و تورکیای پێشکەشی پێنج بەڵێندەر کرد،"کەچی بە من دەڵێن تۆ مامۆستایت و بێدەنگ بە".

زانیارى زیاتر بۆ تۆ