عەلی زەیدی و نووری مالیکی کۆبوونەوە
پووختەی هەواڵەکە:
- زەیدی و مالیکی جەخت لە تەواوکردنی پێکهاتەی حکومەت دەکەنەوە.
- هەردوولا جەختیانکردەوە لە هەوڵەکانی بەرەنگاربوونەوەی گەندەڵی.
- هەردوولا بە پێویستییانزانیوە پێکهاتەی کابینەی حکومەت تەواو بکرێت، چونکە دەبێته هۆکاری باشتربوونی ڕۆڵی حکومەت.
عەلی زەیدی، سەرۆکوەزیرانی عێراق، سەردانی نووری مالیکی، سەرۆکی هاوپەیمانیی دەوڵەتی یاسای کرد و جەختیان لە گرنگی تەواوکردنی کابینەی حکومەت و هەوڵەکانی بەرەنگاربوونەوەی گەندەڵی کردەوە.
ڕاگەیێنراوی نووسینگەی سەرۆکوەزیرانی عێراق
نووسینگەی ڕاگەیاندنی سەرۆکوەزیرانی عێراق بڵاویکردوەتەوە، زەیدی و مالیکی لە دیدارێکدا گفتوگۆیان لەسەر دۆخی گشتیی وڵات و چەند دۆسیەیەکی سیاسی کردووە.
پشیتوانی لە هەوڵەکانی حکومەت بۆ بەرەنگاربوونەوەی گەندەڵی
لە ڕاگەیێنراوەکەدا هاتووە، زەیدى و مالیکى، جەختیان لە گرنگیی پشتیوانیکردنی هەوڵەکانی حکومەت بۆ بەرەنگاربوونەوەی گەندەڵی و چاکسازی ئابووری و کارگێڕی کردووەتەوە.
جەختکردنەوە لە تەواوکردنی پێکهێنانی کابینەی حکومەت
هەر لەو دیدارەدا، هەردوولا بە پێویستییانزانیوە پێکهاتەی کابینەی حکومەت تەواو بکرێت، چونکە دەبێته هۆکاری باشتربوونی ڕۆڵی حکومەت و جێبەجێکردنی پڕۆگرامەکەی.
کۆبوونەوەی هەفتەی پێشوو چوارچێوەی هەماهەنگی
هەفتەی پێشوو، عەلی زەیدی، لە کۆبوونەوەی چوارچێوەی هەماهەنگی سەبارەت بە تەواوکردنی پێکهاتەی حکومەتەکەی ڕایگەیاندبوو، گفتوگۆکانیان لەسەر ئەو پرسە بەرەو کۆتایی دەچێت و هەفتەی داهاتوو ناوی بەربژێرەکان بۆ پۆستە وەزارییەکان ڕەوانەی ئەنجوومەنی نوێنەران دەکرێت.
زانیاری زیاتر بۆ تۆ
2 کاتژمێر پێش ئێستا