شاندی ئەنجوومەنی نوێنەرانی عێراق و پەرلەمانی تورکیا کۆبوونەوە
پووختەی هەواڵەکە:
- بەسەرپەرشتی هەیبەت حەلبوسی و نوعمان کوڕتوڵموش شاندنی پەرلەمانی هەردوو وڵات کۆبوونەوە.
- لەو گفتوگۆیەدا چەند پرسێکی هاوبەش و بەهێزترکردنی هەماهەنگی نێوان هەردوو پەرلەمانەکە کراوە.
- پەرەپێدان و هەماهەنگی هەڵوێستەکان لەسەر ئاستیی نێودەوڵەتی سەبارەت بە پرسە هاوبەشەکان.
بەسەرپەرشتی هەیبەت حەلبوسی، سەرۆکی ئەنجوومەنی نوێنەرانی عێراق و نوعمان کوڕتوڵموش، سەرۆکی پەرلەمانی تورکیا شاندنی پەرلەمانی هەردوو وڵات گفتوگۆیەکی فراوانیان لەسەر چەند پرسێکی هاوبەشی نێوان بەغداد و ئەنقەرە کرد.
ڕاگەیێنراوی فەرمانگەی ئەنجوومەنی نوێنەرانی عێراق
فەرمانگەی ڕاگەیاندنی ئەنجوومەنی نوێنەران بڵاویکردووەتەوە، لەو گفتوگۆیەدا چەند پرسێکی هاوبەش و بەهێزترکردنی هەماهەنگی نێوان هەردوو پەرلەمانەکە کراوە، لەگەڵ پەرەپێدان و هەماهەنگی هەڵوێستەکان لەسەر ئاستیی نێودەوڵەتی سەبارەت بە پرسە هاوبەشەکان.
گفتوگۆکردن لەسەر پرۆژەی ڕێگەی گەشەپێدان
هەردوو شاندی پەرلەمانی عێراق و تورکیا، گفتوگۆیان لەسەر پڕۆژەی ڕێگەی گەشەپێدان، دۆسیەکانی نەوت و ئاو، وزە، ئاسایش و بەرەنگاربوونەوەی تیرۆر، بازرگانی و وەبەرهێنان کردووە.
هەردوولا جەختیان لە پێویستی بەردەوامبوونی گفتوگۆ و هەماهەنگی نێوانیان و پاڵپشتیی ڕێککەوتن و لێکتێگەیشتنە هاوبەشەکان کردەوە، لەگەڵ بەدواداچوون بۆ جێبەجێکردنیان.
2 کاتژمێر پێش ئێستا