خانمان برژەنگی دەستکرد بۆ پڕبوونەوە و جوانبوونی برژەنگ دادەنێن، ئاگاداری ئەم زیانە تەندروستییەی نین:

• توێژینەوەیەکی نوێ دەڵێت: برژەنگی دەستکرد گەنەی پێست ڕادەکێشێت
• ئەم گەنەیە دەبێتەهۆی سووربوونەوە و وشکبوونی چاو
• لە توێژینەوەکەدا نیوەی بەشداربووان باسیان لەوە کرد کە ئەزموونی خوران، سووربوونەوە، ناڕەحەتی و ئاوکردنی چاویان کردووە
• لەو خانمانەی زیاتر لە 10 جار برژەنگی دەستکردیان داناوە، 85%ـیان چەورییەڕژێنی چاویان گیرابوو، بەمەش تووشی وشکبوونەوەی چاو بوون
• لە بەشێکی دیکەی توێژینەوەکەدا دەرکەوت، لە 25 خانم کە زووزوو برژەنگی دەستکردیان دادەنا، 24ـیان جۆرە گەنەیەک لە برژەنگیاندا هەبوو بەناوی Demodex folliculorum
• توێژەران دەڵێن بەیەکەوەنووسای برژەنگ، پاکنەکردنەوەی و دووبارەکردنەوەی، دەبنەهۆی ڕاکێشانی گەنە و گەنەکەش دەبێتەهۆی گرفتەکانی چاو وپێڵووی چاو
• توێژەران دەڵێن پێویستە خانمان ڕۆژانە دوو جار برژەنگە دەستکردەکەیان بە جێڵ و شانەی تایبەت بە برژەنگ پاک بکەنەوە (نابێت جێڵەکە ماددەی پارێزەری تێدا بێت).
• دەرمانی دژەمشەخۆریش دەکرێت بەکاربهێنرێت بۆ ڕێگریکردن لە گەنە