• ترشی هۆکارە بۆ داخورانی مینای ددان و لاوازبوونی ددانەکە، ئەمەش دەبێتەهۆی کلۆربوونی ددان

ئەو هەنگاوانەی پێویستە لە کاتی/پاش خواردنی ترشی بگیرێنە بەر:

• سەرەتا بە ئاو غەرغەرە بکە و پاش نیو کاتژمێر بۆ کاتژمێرێک ددانەکانت بە فڵچە بشۆ
• لە پاش خواردنی ترشی، دەتوانیت شیرەمەنی بخۆیت بۆئەوەی ئەو کالسیۆمەی تێیدایە زیانەکانی ترشییەکە هاوسەنگ بکاتەوە
• خواردنە شەکردارەکان کەم بکەرەوە و کەمتر ساردی و وزەبەخشەکان بخۆرەوە، ئەگەر خواردتەوە قەسەب بەکاربهێنە بۆئەوەی بەرکەوتنی لەگەڵ ددانەکان کەم بێت
• لە پاش خواردنی ترشی بنێشتی بێشەکر بجو بۆئەوەی لیکی دەم زۆر ببێت و ددانەکان بە شێوازێکی سروشتی پاک بکاتەوە
• بڕێکی باش لە ئاو بخۆرەوە
• ئەگەر دەتوانیت، لەگەڵ ژەمە سەرەکییەکاندا ئەم خواردنە ترشە بخۆ بۆئەوەی بەرکەوتنی لەگەڵ ددانەکان کەم ببێتەوە، هەروەها لەم کاتەدا لیک زیاددەکات و ددانەکان پاک دەکاتەوە
• نابێت ئەو خواردنە بە ددانەکانەوە بلکێت چونکە زیانی زیاتر دەگەیەنێت

نیشانەکانی داخورانی مینای ددان بەهۆی ترشییەوە ئەمانەن:

• هەستکردن بە هەستیاری یان ئازار لەکاتی خواردنەوەی گەرم، سارد یان شیرین
• زەردبوونی ددانەکە
• گۆڕانی شێوازی پڕکردنەوەکانی ددان