پووختەی هەواڵەکە:

• لەسەر فەرمانی قوباد تاڵەبانی رێکاری یاسایی دژی ئەو پاسەوانانەی لیوای بەرگری و فریاکەوتن گیراوەتە بەر.

• دەزگای ئاسایش: بەگوێرەى دسپلین و ڕێکارەکان مامەڵە لەگەڵ پاسەوانەکان دەکرێت.

---

دەزگای ئاسایشی هەرێمی کوردستان ڕایگەیاند، بەهۆی هەڵسوکەوتی ناپیشەیی و نامرۆڤانەوە بەرامبەر بە خانەنشینان، چوار پاسەوانی لیوای بەرگریی و فریاکەوتن لە بانکی مەڵکەندی ڕاگیراون و ڕێکاریی یاسایی لەدژیان ئەنجامدەدرێت.

---

ڕاگەیێنراوی دەزگای ئاسایش لەسەر ڕووداوەکە

• بە هاوبەشی لەگەڵ لیوای بەرگری و فریاکەوتن، ئەنجوومەنی لێکۆڵینەوە لەو ڕووداوە پێکهێنراوە.

• لەئێستادا چوار لە پاسەوانەکان راگیراون و بەپێی دیسیپلین و رێکارەکان مامەڵەیان لەگەڵ دەکرێت.

• راگیراوەکان رووبەڕووی سزای یاسایی دەکرێنەوە بەپێی یاسا بەرکارەکان و هەرگیز لە هیچ جۆرە بێ رێزیکردن و شکاندنی شکۆی هاونیشتمانییان چاوپۆشی ناکەن.

دەزگای ئاسایش لە ڕاگەیێنراوێکدا دەڵێت، گرتنەبەری رێکاری یاسایی دژی ئەو پاسەوانانەی لیوای بەرگری و فریاکەوتن، لەسەر فەرمانی قوباد تاڵەبانی، جێگری سەرۆکوەزیرانی هەرێمی کوردستان بووە.

 ئەنجوومەنی لێکۆڵینەوە لەسەر ڕووداوەکە پێکهێنراوە

هەر لە ڕاگەیێنراوەکەدا هاتووە، بە هاوبەشی لەگەڵ لیوای بەرگری و فریاکەوتن، ئەنجوومەنی لێکۆڵینەوە لەو ڕووداوە پێکهێنراوە و لەئێستادا چوار لە پاسەوانەکان راگیراون و بەپێی دیسیپلین و رێکارەکان مامەڵەیان لەگەڵ دەکرێت.

ڕاگیراوەکان ڕووبەڕووی سزای یاسایی دەکرێنەوە

دەزگای ئاسایش جەختلەوە دەکاتەوە، دوای تەواوبوونی لێکۆڵینەوەکان، راگیراوەکان رووبەڕووی سزای یاسایی دەکرێنەوە بەپێی یاسا بەرکارەکان و هەرگیز لە هیچ جۆرە بێ رێزیکردن و شکاندنی شکۆی هاونیشتمانییان چاوپۆشی ناکەن.