سەرۆکى پێشوو دەستلەکارکێشانەوەى پێشکەش کرد
لیژنەی ئۆلۆمپی کوردستان پاڵپشتیی سەرۆکى نوێ دەکات

بە فەرمانێکی کارگێڕیی لیژنەی ئۆلۆمپیی کوردستان، هێمن عەلی وەک سەرۆکی نوێی یەکێتیی ناوەندیی تێنسی کوردستان دیاریکرا و بە فەرمی دەستبەکار
بوو لە جێگەى رۆستەم ڕەسوڵ.

ئەم بڕیارە لەسەر فەرمانی موئەیەد مەغدید جێگری سەرۆکی لیژنەی ئۆلۆمپی کوردستان و پاش پەسەندکردنی دەستلەکارکێشانەوەی سەرۆکی پێشووی یەکێتییەکە هات.

ئالان قادر ئەمینداری گشتی لیژنەی ئۆلۆمپیی هەرێمی کوردستان دەڵێت" سەر ۆکى پێشووى یەکێتییەکە هەوڵ و ماندووبوون و خزمەتە بەنرخانەکانى بەرز دەنرخێنین کە لە ماوەی سەرۆکایەتیکردنی یەکێتییەکەدا پێشکەشی بە وەرزشی تێنس لە کوردستان کردووە، هەروەها هیوای تەندروستباشی و سەرکەوتنی بەردەوامی لە کار و ئەرکەکانی داهاتوویدا بۆ دەخوازێت."

هاوکات لیژنەی ئۆلۆمپی پیرۆزبایی لە سەرۆکى نوێ دەکات هیوای سەرکەوتنی تەواوی بۆ دەخوازێت لە بەڕێوەبردنی ئەرکەکانیدا لەپێناو خزمەتکردنی زیاتر و گەشەپێدانی وەرزشی تێنس لە سەرانسەری هەرێمی کوردستاندا.