پاندای سوور، لەڕاستییدا پاندا نییە، زیاتر لە ڕاکوون و مشکەخۆرەوە نزیکە، بەڵام بەهۆی جوانییەکەیەوە بە پاندا ناسێنراوە، چەند ڕاستییەک لەبارەی ئەم ئاژەڵە بزانە:

• یەکێکە لە دێرینترین جۆری بوونەوەرەکان، پاشماوە بەبەردبووەکان سەلماندوویانە پاندای سوور ملیۆنان ساڵ لەمەوبەر هەبووە

• بەڕێژەی %95ی خواردنی لەسەر قەدی بامبووە، دەتوانێت ئاژەڵی بچوکتر لەخۆی و مێرووەکانیش بخوات، حەزێکی زۆریشی لە هێلکەیە

• لەبری نەڕاندن و مرخەکردن، فیکە لێدەدەن و بەم جۆرە پەیوەندیی لەگەڵ یەکتردا دەبەستن

• ئێستا تەنیا 10 هەزار پاندای سوور لە جیهاندا ماون، بەم جۆرە لە لیستی ئەو بوونەوەرانەدا دەستنیشانکراوە کە مەترسی لەناوچوونیان لەسەرە، هۆکاری سەرەکیی ئەم مەترسییەش دەگەڕێتەوە بۆ چالاکییە مرۆییەکان و گۆڕانی کەشوهەوا

• پاندای سوور سیمبولی کولتووریی وڵاتانی نیپاڵ و بهوتانە