• ساڵانە لە وەرزی پاییزدا پەتای وەرزی بڵاودەبێتەوە
• گرنگە لە پێش بڵاوبوونەوەی پەتاکە ڤاکسینی دژەپەتای وەرزی بکرێت
• سەنتەری کۆنترۆڵکردن و ڕێگریکردن لە نەخۆشییەکان لە ئەمریکا دەڵێت: گرنگترین کات بۆ ڤاکسینی دژەپەتای وەرزی کۆتایی مانگی 9 بۆ کۆتایی مانگی 10 بکرێت
• کاتێک کەسێک ئەم ڤاکسینە دەکات، پاش دوو هەفتە بەرگریی لە دژی نەخۆشییەکە بۆ دروست دەبێت
• کۆمەڵێک کەس مەترسیی زیاتری پەتاکەیان لەسەرە، واتە زۆر بە توندتر تووشی دەبن و دەکرێت مەترسی لەسەر ژیانیان دروست بکات
• ئەو کەسانەی بە هەر هۆکارێک سیستمی بەرگریی جەستەیان لاوازە، وەکو تووشبووانی نەخۆشیی شەکرە و نەخۆشییە درێژخایەنەکان، ئەو منداڵان، گەورە ساڵان، تووشىووانی شێرپەنجە و خانمانی دووگیان
• بە گوێرەی توێژینەوەیەکی گۆڤاری جاما، ئەو منداڵانەی ئۆتیزمیان هەیە، 10 هێندەی کەسانی دیکە زیاتر بەهۆی پەتای وەرزییەوە گیانلەدەست دەدەن، هەربۆیە پێویستە ئەو کەسانەشی کە ئۆتیزمیان هەیە ئەم ڤاکسینە وەربگن
• بەهۆی گۆڕانی بەردەوامی ڤایرۆسەکە، ڤاکسینەکەش ساڵانە گۆڕانکاریی تێدا دەکرێت، هەربۆیە پێویستە ساڵانە دووبارە بکرێتەوە

لە هەرێمی کوردستانیش ساڵانە لەم وەرزەدا لە بنکە تەندروستییەکان ئەم ڤاکسینە بەردەستە