بامبوو درەخت نییە، سەر بە خێزانی گیایە، چەند ڕاستییەک لەبارەی ئەم ڕووەکە بزانە:

• لە ئاستی گەورەبوون و گەشەسەندندا، یەکێکە لە دیارترین ڕووەکەکان، هەندێک جۆری بامبووی کێوی، لە یەک ڕۆژدا، 91 سانتیم درێژ دەبن.

• بامبوو، یەکێکە لە بەهێزترین جۆری ڕووەکەکان، بە هێندەی پۆڵا بەهێزە، ئەمەش وای کردووە لە بەشێک لە وڵاتانی ئاسیا وەکو کەرەستەی بیناسازی بەکاربهێنرێت.

• بەراورد بەو درەختانەی هەمان قەبارەیان هەیە، بەڕێژەی %35 زیاتر، ئۆکسجین بەرهەمدەهێنێت و ڕێژەیەکی زۆری دووانە ئۆکسیدی کاربۆنیش هەڵدەمژێت.

• بامبوو خواردنی دڵخوازی پاندایە و ڕۆژانە بڕی 40 کیلۆی لێ دەخوات.

• ڕەگی بامبوو توانای پاککردنەوەی ئاوی هەیە.

• هەندێک جۆری بامبوو، 20 بۆ 120 ساڵ جارێک گوڵ دەگرن، ئەمەش بە یەکێک لە دەگمەنترین ڕووداوی ناو ڕووەکەکان هەژماردەکرێت کە تاوەکو ئێستا نەزانراوە بۆ.

• لە کیشوەری ئاسیا، بامبوو سیمبولە بۆ هێز، بەرگری، خۆگونجاندن و تەمەن درێژی.