خەج و سیامەند، لە دیارترین و کۆنترین داستانە ئەویندارییەکانی کوردە؛ ڕووداوەکانی ئەم داستانە، مێژوویان لە پێش مێژووی هاتنی ئایینی ئیسلامە بۆ کوردستان.

---

داستانی خەج و سیامەند، هاوشێوەی داستانەکانی سەردەمی خۆی و پێش خۆی، بە شێوەی بەیت و بالۆرە، نەوە دوای نەوە گوازراوەتەوە و لەلایەن دەنگبێژانەوە گرنگیی بە ناوەڕۆکەکەی دراوە.

---

ئەم داستانە، پاڵنەر و ئیلهامبەخش بووە بۆ نووسینەوەی چەندین کتێب و شیعری جیاواز و تابلۆی هونەری.

---

پوختەی داستانەکە: خەج و سیامەند، وەکو دوو ئامۆزا ئەوینداری یەکتر بوون، خەج خاونی حەوت برا بووە و باوکیان ڕزامەند نەبووە کچەکەی بدات بە سیامەند، ئەمەش پاڵنەر دەبێت بۆ هەڵگرتنی خەج لەلایەن سیامەند و پێکەوە لە ئاواییەکەیان هەڵدێن، دەرئەنجامی چیرۆکەکەش بە مەرگەسات کۆتایی دێت.