چەند ڕاستییەکی سەرنجڕاکێش سەبارەت بە قاوە

کافایین وزەمان ناداتێ، بەڵکو ماددەیەکی کیمیایی مێشک دەوەستێنێت بەناوی ئەدینۆسین، بە درێژایی ڕۆژ لە جەستەدا ئەم ماددەیە دەردەدرێت و هۆکارە بۆ خەواڵوو بوون، هەربۆیە کە قاوە دەیوەستێنێت، هەست بە وزەی زیاتر دەکەین
ماوەی مانەوەی کافایین لە جەستەدا لە کەسێکەوە بۆ کەسێکی دیکە جیاوازە، بەڵام بە گشتی 4-6 کاتژمێر دەمێنێتەوە
لایەنی بۆماوە کاریگەریی لەسەر ماوەی مانەوەی کافایین هەیە لە جەستەدا
ئەو کەسانەی جگەرە دەکێشن، زووتر کاریگەرییەکانی کافایین لەسەریان نامێنێت و لە جەستەیاندا تێکدەشکێنرێت، هەربۆیە لەگەڵ وەستاندنی جگەرەکێشاندا سەرنج دەدەن کاریگەریی هەمان ئەو قاوەیەی پێشتر دەیانخواردەوە زۆر بەهێزتر بووە
حەبی ڕێگریکردن لە دووگیانی و دووگیانی هۆکارن بۆ مانەوەی کافایین لە جەستەدا بۆ ماوەیەکی زیاتر
پاش ماوەیەک لە خواردنەوەی قاوە، هەمان کەس پێویستی بە بڕێکی زیاتر دەبێت بۆ وەرگرتنی هەمان کاریگەرییەکانی پێشتر
تەنیا لەبەرئەوەی لە پاش خواردنەوەی قاوە خەوت لێدەکەوێت، واتای ئەوە نییە کە قاوە کاریگەریی لەسەر جەستەی تۆ نییە، بەڵکو دەکرێت ماوەی خەوتنت کەم بکاتەوە و کەمتر بچیتە خەوی قوڵیشەوە
ڕێکخراوی خۆراک و دەرمانی ئەمریکا دەڵێت بە تێکڕا کەسانی تەندروست ئاساییە ڕۆژانە 400 ملیگرام لە قاوە بخواتەوە، بەڵام هەندێک کەس بەم بڕە هەست بە خێرالێدانی دڵ و دڵەڕاوکێ دەکەن، هەر بۆیە لە کەسێکەوە بۆ کەسێکی دیکە جیاوازە
لەکاتی دووگیانیدا نابێت لە 200 ملیگرام قاوە زیاتر بخورێتەوە
لە چەند توێژینەوەیەکی جیاوازدا دەرکەوتووە کە قاوە سوودی زۆری هەیە، وەکو کەمکردنەوەی ئەگەری تووشىوون بە نەخۆشییەکانی دڵ، جگەر و نەخۆشییە زیندەچالاکییەکان.