• زانکۆی وارویک پێداچوونەوەی بۆ 23 توێژینەوە کرد کە تێیدا 1.9 ملیۆن کەس بەشداربوون
• لە ئەنجامدا دەرکەوت ئەو کەسانەی پەشێویی فرەجوڵەیی و کەمسەرنجییان هەیە بە ڕێژەی 50% ئەگەری تووشبوونیان بە گرفتەکانی ڕێڕەوی هەرس زیاترە بەراورد بە کەسانی دیکە
• دەرکەوت ئەو کەسانەی ئەم پەشێوییەیان هەیە، دووهێندەی کەسانی تر زیاتر تووشی قەبزی دەبن
• %58 زیاتر تووشی گرژبوونی درێژخایەنی ڕیخۆڵە دەبن
• چوار هێندە زیاتر تووشی لەدەستدانی کۆنترۆڵی میزکردن و پیسایی دەبن
• زیاتر تووشی سکچوون، سکئێشە، هەرسنەکردنی خۆراک و باکردن دەبن

پزیشکان هۆکاری ئەم ئەنجامانە بۆ ئەمانە دەگەڕێننەوە:

• ئەم کەسانە زیاتر ژەمەکانیان دەپەڕێنن و ڕۆتینێکی دیاریکراوی ژەمەکانیان نییە
• زۆرجار حەزیان لەو خۆراکانە نییە کە بەسوودن
• توانای ناسینەوەی ئاماژە ناوەکییەکانیان باش نییە، واتە کە هەست بەوە دەکەن پێویستە بچنە توالێت، ناچن
• هەندێجار کەمبوونەوەی ئارەزووی خواردنیان هۆکارەکەی دەرمانەکانیانە
• گوشاری دەروونی و گرفتی خەویان زیاترە، ئەمانەش بە شێوازێکی نەرێنی کاریگەری لەسەر کۆئەندامی هەرسیان دادەنێن