پووختەی هەواڵەکە:

• بافڵ جەلال تاڵەبانی پیرۆزبایی ساڵیادی دامەزراندنی 56ـەمین یادی دامەزراندنی یەکێتیی زانایانی  ئایینی ئیسلامی کوردستان دەکات

• بافڵ جەلال تاڵەبانی :مامۆستا و زانایانی ئایینی، پێگەیەکی باڵایان لای ئێمە هەیە و بە چاوی رێزەوە لە رۆڵ و ماندوبوونتان دەڕوانین.

---

بافڵ جەلال تاڵەبانی، سەرۆکی یەکێتیی نیشتمانیی کوردستان، بە بۆنەی 56ـەمین یادی دامەزراندنی یەکێتیی زانایانی  ئایینی ئیسلامیی کوردستانەوە پیرۆزبایەکی ئاڕاستەکردن و ڕایگەیاند، مامۆستا و زانایانی ئایینی، پێگەیەکی باڵایان لای ئێمە هەیە و بە چاوی رێزەوە لە رۆڵ و ماندوبوونتان دەڕوانین لە ئاڕاستەکردنی کۆمەڵگەکەمان بەرەو چاکەی گشتی.

---

پێگەی زانایانی ئایینی لای یەکێتیی نیشتمانیی کوردستان

• یەکێتیی زانایانی ئایینی ئیسلاکی کوردستان ڕۆڵی بەرچاوی هەیە، لەبڵاوکردنەوەی هۆشیاری، برەودان بە بیری میانڕەویی و بەهێزکردنی پێکەوەژیانی ئاشتییانە لە نێوان سەرجەم نەتەوە و پێکهاتەکانی وڵاتەکەدا.

• دەربڕینی پشتیوانی بەردەوامی یەکێتی بۆ زانایانی ئایینی ئیسلامی کوردستان بۆ بەدیهێنانی ماف و خواستەکانیان.

سەرۆکی یەکێتیی نیشتمانیی کوردستان لە و پیرۆزباییەدا دەڵێت، بەبۆنەی 56ـەمین یادی دامەزراندنی یەکێتییەکەتانەوە، لە دڵەوە پیرۆزبایی گەرمتان لێدەکەم و هیوای سەرکەوتنی زیاترتان بۆ دەخوازم.

ستایشی ماندووبوونی زانایانی یایینی ئیسلامی لە ئاڕاستەکردنی کۆمەڵگە

لە بەشێکی دیکەی پیرۆزباییەنامەکەدا سەرۆکی یەکێتیی نیشتمانیی کوردستان جەختیکردووەتەوە، مامۆستا و زانایانی ئایینی، پێگەیەکی باڵایان لای  ئەوان هەیە و بە چاوی رێزەوە لە رۆڵ و ماندوبوونیان دەڕوانێت لە ئاڕاستەکردنی کۆمەڵگە بەرەو چاکەی گشتی، بڵاوکردنەوەی هۆشیاری، برەودان بە بیری میانڕەویی و بەهێزکردنی پێکەوەژیانی ئاشتییانە لە نێوان سەرجەم نەتەوە و پێکهاتەکانی وڵاتەکەدا.

پشتیوانیکردنی بەدیهێنانی ماف و خواستەکانی زانایانی ئایینی ئیسلامی

لە کۆتایدا سەرۆکی پشتیوانی بەردەوامی بۆ یەکێتیی زانایانی ئایینی ئیسلامی کوردستان دەربڕیووە بەوەی  یەکێتیی نیشتمانیی کوردستان وەک هەمیشە هاوکار و پشتیوانی یەکێتیی زانایانی ئایینیی ئیسلامیی کوردستان دەبێت بۆ بەدیهێنانی ماف و خواستەکانی مامۆستایانی بەڕێزی ئایینی و پاراستنی بەها پیرۆزەکانی ئایینی ئیسلام و کولتووری جوانی کوردەواری.