پوختەی هەواڵ:

• فیدراسیۆنی تۆپی پێی بەرازیل و یانەکان بڕیاریان دا ژمارەی یاریزانانی بیانی لە خولەکەدا کەم بکەنەوە.
• ژمارەی یاریزانانی بیانی لە 9 یاریزانەوە بە پلەبەندی کەم دەکرێتەوە بۆ 5 یاریزان تا ساڵی 2030.
• ئامانج لەم بڕیارە پاراستن و گەشەپێدانی بەهرەمەندە ناوخۆییەکانی بەرازیلە.
• یاسای نوێ کەمترین ڕێژەی ناچارکەر بۆ بەشداریپێکردنی یاریزانانی ژێر 23 ساڵ لەخۆدەگرێت.

فیدراسیۆنی تۆپی پێی بەرازیل بە هەماهەنگی لەگەڵ یانەکانی خولی پلە یەک و دووەم، بڕیارێکی مێژوویی و ڕیشەییان دا بۆ کەمکردنەوەی بەرچاوی ژمارەی یاریزانە بیانییەکان. ئامانجی سەرەکی لەم هەنگاوە، پاراستنی گەشەی یاریزانە لاوە ناوخۆییەکان و ڕەخساندنی دەرفەتی زیاترە بۆ بەهرەمەندە بەرازیلییەکان.

بەپێی بڕیارە نوێیەکە، یاسای ڕێگەپێدانی 9 یاریزانی بیانی بۆ هەر یانەیەک بە شێوەیەکی پلەبەندی کەم دەکرێتەوە: لە ساڵی 2027 دەبێتە 8 یاریزان، لە 2028 دەبێتە 7، لە 2029 دەبێتە 6، و تا ساڵی 2030 ڕێژەکە جێگیر دەبێت لەسەر 5 یاریزانی بیانی بۆ هەر یانەیەک.

هەروەها بڕیارەکە بەشێک لە پشکەکان بۆ یاریزانانی تەمەن خوار 23 ساڵ دیاری دەکات تاوەکو دەرفەتی زیاتریان لە پێکهاتەی سەرەکیدا پێبدرێت. بەرپرسانی فیدراسیۆنەکە جەختیان لەوە کردەوە کە ئەم بڕیارە هاوسەنگییەکی باش دروست دەکات لەنێوان پاراستنی ئاستی کێبڕکێ و گەشەپێدانی نەوەی داهاتووی تۆپی پێی بەرازیل، تاوەکو ئەم یاریزانانە لە داهاتوودا لە خولە گەورەکانی دیکەی وڵاتانی دیکە بەناوبانگ بن، واتە ڕیگایەکی زۆر باش و بەهیزە تاوەکو توانای یارزیانە بەرازیلیەکان بڵاوبکەنەوە.