نوێنەرى مامۆستایانى گرێبەست لەگەڵ شاندی دانوستانکاری هەرێمى کوردستان کۆبووەوە
پووختەی هەواڵەکە:
- ئامانج ڕەحیم، سکرتێری ئەنجوومەنی وەزیرانی هەرێمی کوردستان سەرپەرشتیى کۆبوونەوەکەى کردووە.
- بابەتى دامەزراندن و ناو و فۆڕمى مامۆستایانى گرێبەست لە کۆبوونەوەکە تاوتوێکردان
- جەختکرایەوە کە داواکاریى مامۆستایانى گرێبەست پێشینەی کارەکانى شاندى هەرێمى کوردستانە لە بەغداد.
نوێنەرى مامۆستایانى گرێبەست لەگەڵ شاندی دانوستانکاری هەرێمى کوردستان لە ئەنجوومەنى وەزیران لە هەولێر کۆبووەوە و تاوتوێى پرسى دامەزراندن و ماف و شایستە داراییەکانى مامۆستایانى گرێبەستیان کرد.
تاوتوێکردنی پرسی دامەزراندن و شایستە داراییەکانی مامۆستایانی گرێبەست
- بابەتى دامەزراندن و ناو و فۆڕمى مامۆستایانى گرێبەست لە کۆبوونەوەکە تاوتوێکردان و جەخت لەوەشکرایەوە کە داواکاریى مامۆستایانى گرێبەست پێشینەی کارەکانى شاندى هەرێمى کوردستانە لە بەغداد.
- لێکگەیشتنێکى باش لەنێوان هەردوولادا هەبووە لەسەر کەیسى مامۆستایان و ئەگەر حکومەتى عێراق سەرجەم گرێبەستەکان بکاتە بەهەمیشەیى.
- بڕیارە بەمنزیکانە شاندى دانوستانکارى هەرێمى کوردستان سەردانى بەغداد بکاتەوە و درێژە بە کۆبوونەوەکانی بدات لەگەڵ بەرپرسانى عێراق.
کۆبوونەوەیەکی هاوبەش بۆ پرسی مامۆستایانی گرێبەست و بە هەمیشەییکردنیان لە بەغداد
ئامانج ڕەحیم، سکرتێری ئەنجوومەنی وەزیرانی هەرێمی کوردستان سەرپەرشتیى کۆبوونەوەکەى کردووە و ماکوان جەمیل، بەڕێوەبەری گشتیی بودجە و توانا نەجەف، بەڕێوەبەرى فەرمانگەى کارگێڕی و دارایی، خوێندنى باڵا لە کۆبوونەکە بەشداربوون.
کاروخ عەبدوڵا، نوێنەری گشتیی مامۆستایانی گرێبەست لە هەرێمی کوردستان بە کەناڵ8ـى ڕاگەیاند، بابەتى دامەزراندن و ناو و فۆڕمى مامۆستایانى گرێبەست لە کۆبوونەوەکە تاوتوێکردان و جەخت لەوەشکرایەوە کە داواکاریى مامۆستایانى گرێبەست پێشینەی کارەکانى شاندى هەرێمى کوردستانە لە بەغداد.
لێکگەیشتنێکى باش لەنێوان هەردوولادا هەبووە
ڕاشیگەیاند، لێکگەیشتنێکى باش لەنێوان هەردوولادا هەبووە لەسەر کەیسى مامۆستایان و ئەگەر حکومەتى عێراق سەرجەم گرێبەستەکان بکاتە بەهەمیشەیى، ئەو بڕیارە هەرێمى کوردستانیش دەگرێتەوە و بەڵێنیشیان پێدراوە پێداگرى لەسەر داواکاریى مامۆستایان بکەن.
بڕیارە بەمنزیکانە شاندى دانوستانکارى هەرێمى کوردستان سەردانى بەغداد بکاتەوە و درێژە بە کۆبوونەوەکانی بدات لەگەڵ بەرپرسانى عێراق و پێداگرى لەسەر پشکى هەرێمى کوردستان و داواکاریى چین و توێژە جیاوازەکان بکات بۆ ئەوەى لە بودجەى 2027دا جێگیر بکرێن.
زانیاری زیاتر بۆ تۆ:
مامۆستایانی گرێبەست داوای جێگیرکردنی مافەکانیان لە بودجەی 2027دا دەکەن
شاندی دانوستانکاری هەرێم ئەنجامی کۆبوونەوەکانی بەغداد دەگەیەنێتە لایەنە سیاسییەکان
1 کاتژمێر پێش ئێستا