• بڕیارەکە فەرمییە و ئەو دەنگۆیانە ڕەت دەکاتەوە کە ئاماژەیان بە پێدانی پارە دەکرد بۆ سەردانیکردنی مۆزەخانە نیشتمانییەکان
• 15 مۆزەخانەی نیشتمانیی گەورەی بەریتانیا سەردانیکردنیان بەبێ بەرامبەر دەمێنێتەوە
• ماوەی 25 ساڵە ئەم مۆزەخانانە چوونەژوورەوەیان بێبەرامبەرە

---

چەند مانگێکە، لە ناوەندە کولتوورییەکانی بەریتانیا دەنگۆکان وا بڵاوبوونەتەوە: "مۆزەخانە نیشتمانییەکان چوونەژوورەوەیان دەبێت بە پارە."

---

لیزا ناندی، وەزیری کولتووری بەریتانیا جەخت لەوە دەکاتەوە: حکومەت پابەند دەبێت بە بێبەرامبەربوونی مۆزەخانە نیشتمانییەکان بۆ سەرجەم سەردانیکەران.

---

ماوەی 25 ساڵە 15 مۆزەخانەی نیشتمانی هیچ بڕە پارەیەک لە سەردانیکەر وەرناگرن:

• وەزارەتی کولتوور، میدیا و وەرزشی بەریتانیا پاڵپشتیی داراییان دەکات
• گەشتیارە نێودەوڵەتییەکانیش دەتوانن بێبەرامبەر بچنە ژوورەوە
• ئەم بڕیارە بە ڕێژەی %96 سەردانیکەرانی بەرزکردووەتەوە

---

بەشێک لە دیارترین ئەو مۆزەخانە نیشتمانییانەی بەریتانیا، کە دەتوانیت بەبێ بەرامبەر سەردانیان بکەیت:

• مۆزەخانەی بەریتانی
• تەیت
• گالەریی نیشتمانیی بۆ پۆرترەیت
• مۆزەخانەی نیشتمانیی لیڤەرپوڵ