پووختەى هەواڵەکە

• مقاوەمەی ئیسلامی: پابەندی هیچ وادەیەک بۆ چەکدانان نابین.
• مقاوەمەی ئیسلامی: یاداشتێکمان لەگەڵ لیژنەکەی چوارچێوەی هەماهەنگی واژۆکردووە.
• مقاوەمەی ئیسلامی: چاوەڕوانی وەڵامی حکومەت عێراق دەکەین.
• مقاوەمەی ئیسلامی: چەکی گرووپەکان لای خۆیان دەمێنێتەوە.

---

جەعفەر حسێنی، گوتەبێژی گرووپەکە لە وتارێکدا ڕایگەیاند، گرووپەکان ماوەی 40 ڕۆژە سەرقاڵی دانوستانن لەگەڵ حکومەتدا لەڕێگەی لیژنەیەکی چوار کەسی لە چوارچێوەی هەماهەنگییەوە.

---

تەواوى وتارەکەى حسێنى

• حسێنی: ئامانجی گفتوگۆکانیان ڕێکخستنەوەی چەکە، دوای ئەوەی سەروەری عێراق تەواو دەبێت بەسەر خاکەیەکدا.
• گوتەبێژەکە ڕەتیدەکاتەوە پابەندی هیچ وادەیەک بن، کە لەلایەن حکومەتەوە یان لایەنی سیاسییەوە دابنرێت بۆ چەکدانان.
• جەعفەر حسێنی: داواکارییەکانی گرووپەکان بریتین لە کشانەوەی تەواوەتیی هێزەکانی ئەمریکا و هاوپەیمانی ناتۆ و تەواوی هێزە بیانییەکان لە خاک، ئاو و ئاسمانی عێراق و پاراستنی مافی وەڵامدانەوەی هەر پێشێلکارییەکی ئەمریکا و ئیسرائیل بۆ سەرەوەری عێراق.
• لەگەڵ لیژنەکەی چوارچێوەی هەماهەنگی یاداشتێکیان واژۆکردووە، بەڵام تاوەکو ئێستا حکومەت وەڵامی خۆی لەسەر یاداشتەکە نەداوەتەوە. تاوەکو ئێستا حکومەتی عێراق هیچ هەڵوێستێکی سەبارەت بە واژۆکردنی ئەو یاداشتە و ناوەڕۆکەکەی نەبووە.
• حسێنی: چەکی گرووپەکان لای خۆیان دەمێنێتەوە، دەرگای گفتوگۆش سەبارەت بە گرەنتیی سەروەری عێراق بە کراوەیی دەهێڵنەوە.
  
  ئەم قسانەی گوتەبێژی بەرەی مقاوەمەی ئیسلامی لە عێراق، هاوکاتە لەگەڵ کشانەوەی هێزەکانی هاوپەیمانان و جەختکردنەوەی عەلی زەیدی، لەسەر چەککردنی گرووپەکان و نەمانەوەی هیچ چەکێک لە دەرەوەی دەسەڵاتی دەوڵەت.

زانیارى زیاتر بۆ تۆ

مقاوەمەى ئیسلامى لە عێراق: وەڵامدانەوەى هێرشەکەى سعودیە و ئەمریکامان دواخست