لە خورماتوو و شارەزوور سێ شوانکار بە هەورە برووسکە گیانیان لەدەستدا
جەبار حسین 1 کاتژمێر پێش ئێستا
پووختەی هەواڵەکە
- لە خورماتوو بەهۆی هەورەبرووسکە دوو مێردمنداڵ گیانیان لەدەستدا.
- لە شارەزوور، شوانێک بەهۆی هەورەبرووسکەوە گیانی لەدەستدا.
- لە چۆمان هەورە برووسکە لە ژنێکی داوە و برینداربووە.
سەرچاوەیەک لە نەخۆشخانەی خورماتوو بەکەناڵ 8ی ڕاگەیاند، لەگوندی ئەلبوسەباح لە سنووری شارۆچکەى خورماتوو بەهۆی هەورەبروسکە دوو مێردمنداڵ گیانیان لەدەستدا.
یەکەم باران و هەورە برووسکەی ئەمساڵ
- یەکێک لە مێردمنداڵەکان تەمەنی هەشت ساڵە و ئەوی دیکەشیان تەمەنی 15ساڵە و هەردووکیان شوانکارەن.
- لە گوندی ئالانی سەر بە شارەدێى زەڕایەن لە شارەزوور، شوانێک بەهۆی هەورەبرووسکەوە گیانی لەدەستدا.
- بەگوێرەى زانیارییەکانى کەناڵ8، شوانەکە تەمەنى 24 ساڵە و خەڵکى ئەنبارە و تەرمەکەی ڕەوانەی پزیشکی داد لە سلێمانی کراوە.
- هاوکات، ئەحمەد حەسەن، بەڕێوەبەری تەندروستیی چۆمان بەکەناڵ8ى ڕاگەیاند، هەورە تریشقە لە ماڵێکی گوندی دێڵزیانی داوە و بەهۆیەوە ژنێک بێهۆش بووە و گەیێنراوەتە بەشی فریاکەوتنی چۆمان.
- ژنەکە تەمەنی 55 ساڵە و لەوکاتەدا سەرقاڵی قاپ شوشتن بووە لە حەوشەى ماڵەکەدا و چارەسەرى سەرەتایی بۆ کراوە و تەندروستى جێگیرە.
بەگوێرەى ئامارەکان لەسەرەتاى ئەمساڵەوە تاوەکو ئێستا چوار کەس لە سنوورى پارێزگاى سلێمانى بەهۆی هەورە بروسکەوە گیانیان لەدەستداوە.
جەبار حسین
1 کاتژمێر پێش ئێستا