پووختەى هەواڵەکە

• جەمالى حاجى عەلى سەرمایەدار و خێرخواز شارێکى پزیشکى لە چەمچەماڵ دروستکرد

• شارە پزیشکییەکە پێداویستیى تەندروستى 50 ساڵى داهاتووى چەمچەماڵ دابین دەکات

• حکومەت پزیشک و کارمەند و پێداویستییەکانى بۆ دابین بکات

لە بارەى هەوڵەکەیەوە، جەمالى حاجى عەلى بە کەناڵ8ـى گوت "شارە پزیشکییەکە 150 قەرەوێڵەییە، شەش هۆڵى نەشتەرگەرى، دوو بەشى فریاکەوتن بۆ پیاوان و ژنان بەجیا دروستکراوە".

• دوو دەرمانخانە و دوو تاقیگە و بەشەکانى سیتى سکان و سۆنەرى تێدایە و لەسەر ڕووبەرى سێ هەزار مەتر زەوى بونیادنراوە.
• زیاتر لە 15 نۆرینگە بۆ پزیشکى تایبەتمەند دروستکراوە بۆ ئەوەى بتوانن نەخۆش ببینن و بەشەکانى سووتاوى و ددانى تێدایە.
• هەر لەناو شارە پزیشکییەکە باڵەخانەیەک دروستکراوە بۆ شوێنى مانەوەى پزیشکان و هەر پێداویستییەک بۆ شارێکى پزیشکى پێویستبێت دابینکراوە.
  

---

 نەخۆشخانەکە زیاتر لە 500 پزیشک و کارمەندى پێویستە، جەمالى حاجى عەلى لەمبارەیەوە داواکارى لە حکومەت هەیە و داواى کرد حکومەت پێداویستییەکانى دابین بکات پاشان میلاکى پێویستى بۆ دابمەزرێندرێت و بخرێتە خزمەتى کەسوکارى شەهیدان و ئەنفالکراوان و خەڵکى کارەساتبارى ناوچەکە.

---

ئەم نەخۆشخانەیە کۆمەکێکى گەورە بە چەمچەماڵ دەکات بە شارى شەهیدان و پایتەختى ئەنفال ناسراوە، ئەوەش بەهۆى کەموکوڕى لە خزمەتگوزاریی تەندروستى، بۆ زۆربەى حاڵەتە لەناکاوەکان و پێداویستییە پزیشکییەکان هاونیشتمانییان سەردانى سەنتەرى شارى سلێمانى دەکەن.