پویی، یەکێکە لە دیارترین کەسایەتییەکانی مێژووی سیاسیی جیهان، لە تەمەنی دوو ساڵیدا بووە بە بچوکترین ئیمپراتۆر لە جیهاندا، لە سایەی چیرۆکی ئەم کەسایەتییەدا، فیلمێکی سینەمایی هەیە، کە براوەی نۆ خەڵاتی ئۆسکارە.

---

پوختەیەک لەبارەی ژیانی پویی:

• ساڵی 1908، وەکو ئیمپراتۆری شانشینی قینگ هەڵبژێردراوە
• پویی بچوکترین و کۆتا ئیمپراتۆرە لە مێژووی حوکمڕانیی وڵاتی چین
• لەگەڵ ئەم ئیمپراتۆرەدا، مێژووی دوو هەزار ساڵەی سیستمی ئیمپریالیی وڵاتەکە لە ساڵی 1912 کۆتایی هاتووە

---

پویی وەکو ئیمپراتۆرێکی بووکەڵە مامەڵەی لەگەڵ کراوە، پێگەیەکی سیمبولیی هەبووە، پاشان لە سییەکانی سەدەی بیستەمدا، لەمیانی داگیرکارییەکانی ژاپۆن، وڵاتێکی بۆ تەرخانکراوە و بۆ جارێکی دیکە بووەتەوە بە ئیمپراتۆر و ناوچەیەکی پێدراوە بەناوی مانچوکۆ

---

پاش تێپەڕینی چەندین ساڵ بەسەر ژیانی ئیمپراتۆری:

• بووە بە باخەوان و لە یەکێک لە باخچەکانی پەکین خزمەتی بە سەوزایی شارەکە کردووە
• خاوەنی یەکێک لە بەناوبانگترین ژیاننامەکانە و تیایدا بە وردەکاریی کۆی ڕووداوەکانی ژیانی نووسیوەتەوە

---

لە سایەی ژیانی ئەم کەسایەتییەدا، ساڵی 1987، بێرناردۆ بێرتۆلوچی یەکێک لە باشترین فیلمەکانی مێژووی سینەمای دەرهێنا بە ناونیشانی "The Last Emperor" و توانی ببێت بە براوەی نۆ خەڵاتی ئۆسکار.