پارێزگاری کەرکووک لە یادی مام جەلالدا: ئەو گرەنتیی مافی پێکهاتەکانی دەکرد لەسەر بنەمای دادپەروەری

پووختەی هەواڵەکە

پارێزگارى کەرکووک لە یادى کۆچى دوایی مام جەلال پەیامێکى ئاڕاستەى سەرۆکى یەکێتى کرد
محەممەد سەمعان ئاغا: مام جەلال مکوڕ بوو لە پاراستنی مافی پێکهاتەکانی کەرکووک

پارێزگارى کەرکووک لە یادى کۆچى دوایی مام جەلال سەرۆککۆمارى پێشووترى عێراق، پەیامێک ئاڕاستەى بافڵ جەلال تاڵەبانى، سەرۆکى یەکێتیی نیشتمانیی کوردستان دەکات و ئاماژە بە ڕۆڵى مام جەلال دەکات لە پاراستنى مافى پێکهاتەکانى کەرکووک.

محەممەد سەمعان ئاغا، پارێزگارى کەرکووک:

پارێزگارى کەرکووک لە پەیامەکەیدا، ئاماژەى بە ڕۆڵى نیشتمانى و تیکۆشەرانەى مام جەلال و کەسایەتییە نیشتمانییەکەى کردووە
لە مکوڕبوونى لەسەر پاراستنی کەرکووک و گرەنتیکردنى مافى پێکهاتەکانى لەسەر بنەماى دادپەروەرى و هاوبەشیی نیشتمانی.
ڕۆڵی مام جەلال لە گرنگیی بەهێزکردنى بنەماکانى دیالۆگ و پابەندبوون بە جێگیرییە نیشتمانییەکان دیارە.
کاریگەریی هەبووە لە چەسپاندنی پرەنسیپە دەستوورییەکان، پتەوکردنى هاوبەشییەکان لەپێناو بوژاندنەوەى پارێزگاى کەرکووک و بەشداریکردن لە داڕشتنى داهاتووى بەجۆرێک خزمەت بە دانیشتووانە بەشەرەفەکەى بکات و ئاسایش و سەقامگیریی عێراق بەهێزبکات.

سەرکردەی نەتەوەیەک

جەلال تاڵەبانی، ناسراو بە "مام جەلال"، یەکێکە لە دیارترین سەرکردە مێژووییەکانی گەلی کورد و عێراق لە سەدەی بیستەم و بیست و یەکەمدا. لە3ی تشرینی یەکەمی 2017، دوای ململانێیەکی درێژخایەن لەگەڵ نەخۆشیدا، لە تەمەنی 83 ساڵیدا لە ئەڵمانیا کۆچی دوایی کرد.

ئەمڕۆ کە 9 ساڵ بەسەر کۆچی دواییدا تێدەپەڕێت، یادکردنەوەی مام جەلال تەنها وەک یادکردنەوەی کەسایەتییەک نییە، بەڵکو خوێندنەوەی قۆناغێکی گرنگی خەباتی سیاسی و شۆڕشگێڕییە. بەشداربووان لەم یادەدا جەخت لەسەر ئەو پرەنسیپ و میراتە دەکەنەوە.