تەندروستیی جیهانی: یەکێک لە هۆکارە سەرەکییەکانی شێرپەنجە هەوکردنە
ئاسۆ فازیل 1 کاتژمێر پێش ئێستا
- بە گوێرەی ڕاپۆرتێکی ڕێکخراوی تەندروستیی جیهانی، لە ساڵی 2024ـدا لە جیهان 2.3 ملیۆن کەس بەهۆی هەوکردنەوە تووشی شێرپەنجە بوون
- واتە %12ـی تووشبووانی شێرپەنجە لە جیهاندا بەهۆی هەوکردنەوە تووشبوون
- سەرەکیترین و باوترین هەوکردنیش بریتیبووە لە بەکتریای گەدە (H. pylori)
- لە 2024ـدا 760 هەزار کەس بەهۆی بەکتریای گەدەوە تووشی شێرپەنجەی گەدە بوون
- دووەم سەرەکیترین هەوکردینیش بریتیبووە لە هەوکردن بە ڤایرۆسی HPV کە هۆکاری سەرەکیی شێرپەنجەی ملی منداڵدانە
- هەوکردنەکانی دیکەش وەکو هەوکردنی ڤایرۆسیی جگەری جۆری بی و سی کە هۆکارن بۆ تووشبوون بە شێرپەنجەی جگەر
- ڤایرۆسی ئێپستین باڕیش هۆکار بووە بۆ تووشىوونی 260 هەزار کەس بە شێرپەنجە
- لەگەڵ ئەوەی لە زۆرینەی وڵاتەکاندا هەوکردن هۆکاری %12ـی شێرپەنجەکان بووە، بەڵام ئەم ڕێژەیە لە کەنەدا زۆر کەمتربووە و تەنیا %4 بووە
- پسپۆڕان دەڵێن لە ڕێگەی ڤاکسین و چارەسەرەکانەوە دەتوانرێت ڕێگری لەم هەوکردنانە بکرێت، یان ڕێگری لە تووشبوون بە ئەم شێرپەنجانە بکرێت
ئاسۆ فازیل
1 کاتژمێر پێش ئێستا