گۆران کامیل لە موزسیانە ناسراوەکانی کوردە

لەدایکبووی شاری سلێمانییە و ژەنیاری ئامێرەکانی: چەلۆ، عود و ڤیۆلینە، هاوتای ژەنین، شارەزایی لە دانانی ئاواز، دابەشکردنی موزیک هەیە و مامۆستای بوارەکەیەتی.

لە سەرەتای کارە هونەرییەکانیدا:

ئارەزووی کێشانی وێنەی کردووە، پاشان لە خوێندنگە، هاوتای ئارەزووی وێنەکێشان، فێری موزیک بووە
ساڵی 1983 لە چالاکیی قوتابخانەکانی سلێمانی، لەلایەن مامۆستا ویلیەم یوحەنناوە، وانەی موزیکی وەرگرتووە
یەکەم ئامێر کە دەستی پێکردووە مێلۆدیکا بووە
یەکەم ئاوازیش کە ژەنیویەتی، گۆرانیی هەی بێنەی حەسەن زیرەک بووە

لەگەڵ بەشداربوونی لە چالاکییە هونەرییەکانی قوتابخانەدا، ئارەزووی بۆ ڤیۆلین پەیدابووە و ئازاد مەعرووف وەکو مامۆستا، هاوکاری بووە لە بەرەوپێشبردنی تواناکانیدا.

گۆران کامیل:

ساڵی 1987 لە بەشی موزیکی پەیمانگەی هونەرەجوانەکانی سلێمانی وەرگیراوە
بەهۆی کەمیی ژەنیاری چەلۆ، لە پەیمانگە داوایان لێ کردووە بەم ئامێرە بخوێنێت
ساڵی 1992 دیپلۆمی بەدەستهێناوە
ساڵی 1993 لە ئەکادیمیای هونەرەجوانەکانی بەغداد وەرگیراوە، بەڵام بەهۆی دۆخی سیاسی، گەڕاوەتەوە بۆ کوردستان
بەنزیکەی پێنج ساڵ مامۆستا بووە لە پەیمانگەی هونەرەجوانەکانی سلێمانی
لە زانکۆی سلێمانی بەکالۆریۆسی لە بەشی موزیک بەدەستهێناوە
ساڵی 1997 ڕووی لە هۆڵەندا کردووە
ئاشنای هونەرمەندانی باکووری کوردستان بووە
لە ئاستی جیهانییدا چەندین چالاکیی هونەریی ئەنجامداوە
ماستەرنامەی لە زانکۆی کۆد ئارتسی ڕۆتەردام بەدەستهێناوە
لە ساڵی 2014ـەوە مامۆستای بەشی موزیکە لە زانکۆی سلێمانی
لە ئاستی دانانی ئاوازدا، کاری بۆ چەندین هونەرمەند کردووە: ناسڕ ڕەزازی، نەجمەدینی غوڵامی، مەرزیە فەریقی، عەدنان کەریمی و هتد