پووختەى هەواڵەکە

• ساڵى داهاتوو شێوازى تاقیکردنەوە و هەژمارکردنى نمرەى تاقیکردنەوەکان دەگۆڕدرێت.

• ئەمساڵ لە 24 خوێندنگە سیستمە نوێیەکە تاقیدەکرێتەوە.
  

---

نوورەدین عوسمان، بەڕێوەبەرى گشتیی ئەزموونەکان لە وەزارەتى پەروەردە بە کەناڵ8ـى گوت "ئەمساڵ تاقیکردنەوە و هەژمارکردنى نمرەى تاقیکردنەوەکان هاوشێوەى ساڵانى ڕابردووە، بەڵام بەرنامەیان هەیە بۆ ساڵى داهاتوو گۆڕانکارى لە هەردوو بابەتەکە بکەن".

---

زانیارییەکانى لە زارى نوورەدین عوسمانەوە:

• لەهەر بەڕێوەبەرایەتییەک سێ خوێندنگەى بنەڕەتى و ئامادەیی بۆ تاقیکردنەوەى سیستمە نوێیەکە دیاریکراون.
• ئەگەر سەرکەوتوو بوو پەسەند دەکرێت و دەکرێتە بڕیار بۆ ساڵى داهاتوو.
• وەرزەکانى خوێندن بەو شێوەى هەیە دەمێنێتەوە.

---

سیستمى تاقیکردنەوەکانى ئێستا:

• تاقیکردنەوەى خوێندکاران وەرزییە و لەگەڵ وەرزەکاندا نیوەى وەرز تاقیکردنەوە بە خوێندکاران دەکرێت.
• هەژمارکردنى نمرەکان بەمجۆرەیە بۆ هەر وەرزێک 20 نمرە لەلایەن مامۆستایان دیاریدەکرێت و نیوەى وەرز تاقیکردنەوە لەسەر 20 نمرە دەکرێت و کۆتایی وەرز تاقیکردنەوەى کۆتایی لەسەر 60 نمرەیە.
• لەگەڵ ئەم تاقیکردنەوانەدا قۆناغى نۆى بنەڕەتى و 12ـى ئامادەیی تاقیکردنەوەى نیشتمانى دەکەن.

---

لە هەرێمى کوردستان هەشت بەڕێوەبەرایەتیى گشتیی پەروەردە هەن، کە بەسەر چوار پارێزگا و چوار ئیدارەى سەربەخۆ دابەشبوون.