پووختەى هەواڵەکە

• ئاگرەکە شەوى ڕابردوو  لە بازاڕى لەنگەى ڕانیە کەوتەوە.
• ئەمڕۆ زیانە گیانی و مادییەکان ئاشکرا کران.

---

عەلی قادر، گوتەبێژی بەرگریی شارستانیی ڕاپەرین لە کۆنفرانسێکى ڕۆژنامەوانیدا کە پەیامنێرى کەناڵ8 ئامادەى بوو، گوتى "75 ملیۆن دینار زیان بەر دوکانەکانى بازاڕى لەنگە کەوتووە و هۆکاری سەرەکیی کەوتنەوەشی شۆرتی کارەبا بووە".

ئاماژەى بەوەشکرد، حەوت دووکان بەهۆى ئاگرەکەوە زیانیان بەرکەوتووە کە سیانیان بەتەواوى سووتاون.

---

عەلى قادر لە بارەى زیانە گیانییەکانەوە:

• 15 کەس بەهۆى تەنگەنەفەسى و سووتانەوە ڕەوانەى نەخۆشخانەکراون.
• برینەکەیان سووکە و چارەسەرى پێویستیان وەرگرتووە.

پێشتر هۆشدارى درا بوو:

گوتەبێژی بەرگریی شارستانیی ڕاپەڕین جەختىکردەوە، چەند جارێک خاوەنى دوکانەکان لە نەبوونى مەرجەکانى سەلامەتى ئاگادارکردووەتەوە.