خواردنەوە وزەبەخشەکان دەبنەهۆی گیانلەدەستدانی منداڵ؟

کافایین چالاککەرێکی سروشتیی مێشکە و لە قاوە، گەڵای چا و کاکاودا هەیە
کافایین ڕێگری لە کۆبوونەوەی ئەو ماددە کیمیاییانەی مێشک دەکات کە وات لێدەکەن هەست بە ماندووبوون بکەیت (ئەدینۆسین)
بە خێرایی هەڵدەمژرێت لە جەستەدا و لە پاش 30-60 خولەک زۆرترین کاریگەرییەکانی دەردەکەون
کۆمەڵەی پزیشکانی دڵ لە ئەمریکا بۆ کەسانی پێگەیشتوو پێشنیازی 400 میلیگرام یان کەمتر لە کافایین دەکەن لە ڕۆژێکدا
ئەکادیمیای پزیشکانی منداڵان لە ئەمریکا پێشنیازی کەمتر لە 100 میلیگرام لە کافایین دەکەن بۆ منداڵانی 12-18 ساڵ
کاریگەرییەکانی کافایین لەسەر جەستە بریتینلە خێرالێدانی دڵ، بەرزبوونەوەی فشاری خوێن، دەستلەرزین و خەولێنەکەوتن
کاتێک منداڵێک بڕێکی زۆر لە کافایین وەردەگرێت، ئەم کاریگەرییانە زیاتر لەسەریان دەردەکەون، لەوانەیە بەهۆیەوە تووشی ناڕێکیی لێدانی دڵ و گەشکە ببێت
هەموو ئەمانەش ئەگەری گیانلەدستدانی زیاد دەکات
گرنگە دایکوباوکان بزانن کە خواردنەوە وزەبەخشەکان دەکرێت 80-300 میلیگرام لە کافایینیان تێدابێت، واتە زۆر زیاتر لەو بڕەی ڕێگەی پێدراوە بۆ منداڵان و مەترسیدارە بۆیان
بێجگە لەمانە، وەرگرتنی کافایین لە سەرچاوەی جیاوازەوە کاریگەریی خراپتری هەیە، واتە تەنیا خواردنەوە وزەبخەشەکان و قاوە کافایینیان تێدانییە
هەریەکێک لە چا، کۆلا، چوکلێت و کاکاویش سەرچاوەی کافایینن
هەربۆیە نابێت دایکوباوکان بهێڵن منداڵەکەیان لە هەمان ڕۆژدا چا، کۆلا، چوکلێت بخۆن، بەتایبەتیش نابێت لە هیچ کاتێکدا خواردنەوەی وزەبەخش بخۆنەوە
بەتایبەتیش ئەگەر منداڵەکە خۆی گرفت و نەخۆشیی دڵی هەبێت مەترسیدارترە

بڕی ئەو کافایینەی لەم خواردنەوانەدا هەن:

یەک کوپ قاوە نزیکەی 80-135 میلیگرام لە کافایینی تێدایە
یەک کوپ چا نزیکەی 14-60 میلیگرام کافایینی تێدایە
خواردنەوە وزەبەخشەکان دەکرێت لە 90-300 میلیگرام کافایینیان تێدابێت
کۆلایەک 35-45 میلیگرام کافایینی تێدایە

زانیاریی زیاتر:

هەموو ئەم کاریگەرییانەش دەکرێت لە کەسانی پێگەیشتوودا دەربکەون ئەگەر بە بڕێکی زۆر زیاتر لە 400 میلیگرام بخورێت.
کاریگەرییەکانی کافایین لە کەسێکەوە بۆ کەسێکی دیکە دەگۆڕێت، لەوانەیە کەسێکی پێگەیشتوو بە بڕێکی زۆر کەمتریش لە 400 میلیگرام نیشانەکانی تێدادەربکەون و دۆخی تەندروستیی تێکبچێت
ئەو کەسانەی جگەرەکێشن کەمتر کاریگەریی کافاینیان تێدا دەردەکەێت