پووختەى هەواڵەکە

• بازرگانەکە ویستویەتى قەرزى کارەبا بداتەوە.
• لەگەڵ تەکسیەک سەرکەوتووە و دواتر تەرمەکەى دۆزراوەتەوە.
• دەزگا ئەمنییەکان لێکۆڵینەوە لە ڕووداوەکە دەکەن.

---

زانیاریى ئەوە بە کەناڵ8 گەیشت، شەوى ڕابردوو تەرمى هاونیشتمانییەک بەناوى حاجی محەممەد مەلای مامە گەورە پێنجوێنی لە گردى سەیوان دۆزرایەوە کە بازرگانە لە مەزادخانەکەی خوارەوە لە شارى سلێمانی کار دەکات.

---

زانیاریى سەرەتایى لەبارەى ڕووداوەکەوە

• ئەو بازرگانە لە ماڵ چووەتەدەرەوە دواتر هیچ ڕێگایەک بۆ پەیوەندى لەگەڵى نەماوە.
• ئەو بازرگانە 25 ملیۆن دینارى پێ بووە و ویستویەتى بڕوات قەرزى کارەبا بداتەوە.

حاجی محەممەد کەسایەتییەکى ناسراوە و ئەمڕۆ تەرمەکەى بەخاکسپێردراوە و لە سلێمانیش پرسەى بۆ دادەنرێت.

کەناڵ8 پەیوەندى بە پۆلیس و ئاسایشەوە کرد ئامادەنەبوون قسە بکەن، بەگوێرەى زانیارییەکان پەڕاوى لێکۆڵینەوە کراوەتەوە و دەزگا ئەمنییەکان سەرقاڵى بە دواداچوون و لێکۆڵینەوەن و لە ئایندەیەکى نزیکدا بە فەرمى زانیاریى ئاشکرا دەکەن.