پووختەى هەواڵەکە

• ڤلادیمیر پوتین، سەرۆکی ڕووسیا و ڕەجەب تەیب ئەردۆغان، سەرۆککۆماری تورکیا، تاوتوێی دۆخی دەریای ڕەشیان کرد.
• ئەردۆغان جارێکی دیکە ئامادەیی تورکیای بۆ نێوەندگیریی ئۆکرانیا و ڕووسیا دەربڕی

---

لەگەڵ هێرشە بەردەوامەکان بۆ سەر کەشتییە تورکییەکان لە دەریای ڕەش، ڕەجەب تەیب ئەردۆغان، سەرۆککۆماری تورکیا و ڤلادیمیر پوتین، سەرۆکی ڕووسیا بە تەلەفۆن قسەیان کرد و ئەردۆغان پیرۆزبایی لە پوتین کرد بەبۆنەی ڕۆژی لە دایکبوونی و سەرکەوتنی پارتەکەی لە هەڵبژاردنەکاندا لێکرد.

---

ناوەڕۆکى پەیوەندییە تەلەفۆنییەکە

• فەرمانگەی پەیوەندییەکان لە سەرۆکایەتی کۆماری تورکیا: پەیوەندییە دووقۆڵییەکانی نێوان تورکیا و ڕووسیا و بابەتە ناوچەیی و جیهانییەکان تاوتوێ کراون.
• ئەردۆغان بۆ پوتین: هەوڵەکانی دەستەبەرکردنی ئاسایشی کەشتیوانی لە دەریای ڕەش گرنگییەکی زۆریان هەیە.
• ئەردۆغان ئامادەیی وڵاتەکەی دەربڕیوە هاوکاری ئەو هەوڵانە بێت کە پەیوەستن بە دەستپێکردنی کۆبوونەوەی ڕاستەوخۆی نێوان ڕووسیا و ئۆکرانیا.

پەیوەندیی تەلەفۆنیی نێوان سەرۆککۆماری تورکیا و سەرۆکی ڕووسیا لە کاتێکدایە هێرش بۆ سەر کەشتییە تورکییەکان لە دەریای ڕەش، بەردەوامە و لەماوەی دوو ڕۆژی پێنج و شەشی ئەم مانگە سێ کەشتیی تورکی بە ئامانج گیراون و گیانلەدەستدانی دوو کەشتیوان و برینداربوونی لانیکەم 13 کەشتیوانی لێکەوتووەتەوە.