هۆکارە باوەکانی دووبارەبوونەوەی مایەسیری دوای نەشتەرگەری
ئاسۆ فازیل 3 کاتژمێر پێش ئێستا
د. دالیا تاریق، پزیشکی پسپۆڕی نەشتەرگەری، سەبارەت بە دووبارەبوونەوەی مایەسیری، دەڵێت:
- مایەسیری دوای نەشتەرگەری ئەگەری دووبارەبوونەوەی هەیە، بەڵام بە ڕێژەیەکی کەم، بەتایبەتی ئەگەر ڕێگری لە هۆکارە سەرەکییەکانی دووبارەبوونەوەیان بکرێت
- نەشتەرگەری ئەو کۆمەڵە موولولە خوێنە زیانپێگەیشتووانە لادەبات، بەڵام ڕێگری لە دروستبوونی مایەسیری نوێ ناکات لە شوێنەکانی دیکەدا
هۆکارەکانی دووبارەبوونەوەی مایەسیری دوای نەشتەرگەری چین؟
- قەبزی درێژخایەن
- دانیشتنی زۆر و نەبوونی جووڵە و وەرزش
- کەم خواردنی ئەو خواردنانەی پێکهاتەی ڕيشاڵیان تێدایە وەک: سەوزە و میوە
- نەخواردنەوەی بڕی ئاوی پێویست
- دووگیانی بۆ چەن جارێک
خۆپارێزی لە دووبارەبوونەوەی مایەسیری
- ڕۆژانە ڕێژەیەکی باش لە سەوزە، میوە و دانەوێڵە تەواوەکان بخورێن
- ڕۆژانە هەشت بۆ دە پەرداخ ئاو بخورێتەوە بۆ ڕێگری لە دروستبوونی قەبزی
- لە پێنج بۆ 10خولەک زیاتر لەسەر تەوالێت مەمێنەرەوە
- وەرزش و جووڵەی بەردەوام
زانیاریی زیاتر
بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن
ئاسۆ فازیل
3 کاتژمێر پێش ئێستا