داستانی گلگامێش کۆنترین ئەفسانە و شیعری جیهانە، بەنزیکەی ساڵی دوو هەزار و 100ی پێش زایین نووسراوەتەوە و بە یەکێک لە سەرنجڕاکێشترین گێڕانەوەکانی مرۆڤایەتی دادەنرێت کە چیرۆکی گەڕان بەدوای نەمری دەگێڕێتەوە.

---

لە مۆزەخانەی سلێمانی:

• پارچەیەک تابلۆی قوڕین هەیە یەکێکە لە دیارترین پارچە مێژووییەکانی ئەم مۆزەخانەیە، بەناوی "تابلێتی ژمارە پێنج"ی ئەفسانەی گلگامێش، لەم مۆزەخانەیەدا پارێزراوە، کە پارچەیەکی مێژوویی شارستانییەتی بابلییە و مێژووەکەی دەگەڕێتەوە بۆ دوو هەزار ساڵ پێش زایین.

تەواوکردنی چیرۆکی گلگامێش:

• وەک یەکێک لە کۆنترین دەقە ئەدەبییەکانی مێژووی مرۆڤایەتی، بە ژیریی دەستکرد ئێستا کاری لەسەردەکرێت؛ شارەزایان سەرقاڵی بەکارهێنانی ئەم تەکنەلۆجیایەن بۆ دروستکردنەوەی کۆی ئەو دیمەنەی هەزاران ساڵە ون و نادیارە.

• سەدا 30ی چیرۆکی گلگامێش هێشتا ونە و چەندین بۆشایی ماونەتەوە کە پڵۆتی چیرۆکەکەیان بە ناتەواویی جێهێشتووە.