داستانی 12 سوارەی مەریوان، یەکێکە لە چیرۆکە فۆلکلۆری و بەناوبانگەکانی کورد، کە لە ئاستی مێژووییدا، گێڕانەوەی ڕووداوێکە کە لە سەرەتای سەدەی هەژدەیەمی زایینی ڕوویداوە.

---

لە ئاستی ناوەڕۆکدا، ئەم داستانە گێڕانەوەی چیرۆکی کۆمەڵێک سوارچاکی کوردە لە سەردەمی میرنشینی بابان و دەسەڵاتی سەفەویدا؛ لەو سەردەمەدا بەرازی کێوی زۆر بوون و زیانیان بە کێڵگە و دەغڵودانی جووتیاران گەیاندووە، لەلایەن ئەحمەد خانی بابانەوە 12 سوارچاک هەڵبژێردراون بۆ ڕاوی بەرازەکان.

---

لە دەرئەنجامی چیرۆکەکەدا و بە لێهاتوویی و زیرەکیی ئەم 12 سوارچاکە، بەرەنگاری هێرشێکی گەورەی سەفەوییەکان دەبنەوە و بە تاکتیکێکی ژیرانە سوپاکە تێکدەشکێنن و ڕاویان دەنێن.

---

لە ئاستی سەرچاوەدا، گێڕانەوە و نووسینەوەی داستانی 12 سوارەی مەریوان، هەمەجۆرە، لە دیارترین ئەو کەسایەتییانەی لەبارەی ئەم داستانە بەرهەمیان هەیە:

• بەیتی دوانزە سوارەی مەریوان - پیرەمێرد

• عەلائەدین سەججادی - مێژووی ئەدەبی کوردی

• دوانزە سوارەکەی مەریوان - عومەر ئیسماعیل مارف