پووختەى هەواڵەکە

• دژەتیرۆرى سلێمانى لە ناوچەى بەردەقارەمان تیرۆریستێکى داواکراوى دەستگیرکرد.
• تیرۆریستەکە ناسراوە بە ئەبولحەکەم و خەڵکى پارێزگاى سەڵاحەدینە.
• بەشداری چەندین کار و چالاکی تیرۆرستی و شەڕی دژ بە هێزە ئەمنییەکان کردووە.

---

هێزەکانی بەڕێوەبەرایەتیی گشتیی دژەتیرۆر (CTG)، ڕایگەیاند، پاڵپشت بە زانیاری هەواڵگری ورد و بەدواداچوونی بەردەوام، توانیان تیرۆرستێک دەستگیر بکەن لە ناوچەی بەردەقارەمانى نزیک شارى سلێمانى.

---

ڕاگەیێنراوەکەى دژەتیرۆر (CTG)

• تیرۆریستی دەستگیرکراو بە ناوی (حکم ردام محمد الرفیعي) ناسراو بە (ابو الحکم) خەڵکی پارێزگای سەڵاحەدینە.
• چەکداری داعش بووە لە فیرقەی (ذات الصوار)ـی لیوای (عەبدوڵای کوڕی عومەر).
• بەشداری چەندین کار و چالاکی تیرۆرستی و شەڕی دژ بە هێزە ئەمنییەکان کردووە.
• دوای ڕووخانی داعش هاتووەتە سنوری پارێزگای سلێمانی و لە ناوچەی بەردەقارەمان نیشتەجێ بووە.
• ناوبراو فەرمانی دەستگیرکردنی هەیە لە لایەن دادگای لێکۆڵینەوەی نەینەوا بە ماددەی 4ـی تیرۆر.
• دەستبەجێ پاش دەستگیرکردنی ڕادەستی یاساکرا بە مەبەستی سزادانی.

ئەوە لە کاتێکدایە، ڕۆژى 5ـى ئەم مانگەش، دەزگای ئاسایشی هەرێمى کوردستان، گرووپێکی چەکداری داعش سەر بە ویلایەتی کوردستانی هەڵوەشاندەوە و 22 ئەندامی گرووپەکەشى دەستگیر کرد.

زانیاریی زیاتر بۆ تۆ

دژەتیرۆری عێراق سێ داواکراوی داعشی لە سلێمانی دەستگیرکرد

دەزگای ئاسایش: گرووپێکی داعشى سەر بە ویلایەتی کوردستانمان هەڵوەشاندەوە