پووختەی هەواڵەکە

• وەزارەتى دارایی هەرێمى کوردستان : کۆى گشتى بودجەى عێراق لە 12 ساڵى ڕابردوودا زیاتر لە یەک کواردیلیۆن و 764 تریلیۆن دیناربووە.
• پشکى هەرێمى کوردستان لەو 12 ساڵەدا 212 تریلیۆن دیناربووە، بەڵام  تەنیا 41 تریلیۆن دینار  لە بەغدادەوە نێرداوە، تەموویلى 46 مووچەى لەو 12 ساڵەدا پێکراوە.

---

وەزارەتى دارایی هەرێمى کوردستان لە خشتەیەکدا بودجەى عێراق و پشکى هاتوو بۆ هەرێمى کوردستان و بڕى پارەى تەموویلکراو بۆ مووچەى مانگانەى مووچەخۆرانى هەرێمى کوردستان لە 12 ساڵى ڕابردوودا خستووەتەڕوو.

---

بودجە لە 12 ساڵدا:

• بەگوێرەى داتاکانى وەزارەتى دارایی هەرێمى کوردستان، بودجەى عێراق لە ساڵى 2014 دا 171 تریلیۆن و 816 ملیار دینار بووە، لەو بڕەش پشکى هەرێمى کوردستان پێش لێبڕینەکانى سەروەرى و حاکیمە 19 تریلیۆن و 999 ملیار دینار بووە، بەڵام تەنیا دوو تریلیۆن و 280 ملیار دینار هاتووە و تەموویلى سێ مووچەى پێکراوە لەو ساڵەدا.
• لە ساڵى 2015دا بودجەى عێراق 119 تریلیۆن و 462 ملیار دینار بووە، پشکى هەرێمى کوردستان لە بودجەدا پێش لێبڕینەکانى سەروەرى و حاکیمە 14 تریلیۆن و 817 ملیار دینار بووە، بەڵام تەنیا دوو تریلیۆن و 476 ملیار دینار هاتووە و تەموویلى سێ مووچەى پێکراوە.
• لە ساڵى 2016شدا، بودجەى عێراق 105 تریلیۆن و 895 ملیار دینار بووە، پشکى هەرێمى کوردستان پێش لێبڕینەکانى حاکیمە و سەروەرى 13 تریلیۆن و 67 ملیار دینار بووە، بەڵام هیچ بڕە پارەیەک نەنێردراوە بۆ هەرێمى کوردستان و تەموویلى هیچ مووچەیەک نەکراوە.
• لە ساڵى 2017دا  بودجەى عێراق 107 تریلیۆن و 89 ملیار دینار بووە، پشکى هەرێمى کوردستان پێش لێبڕینەکانى سەروەرى و حاکیمە 11 تریلیۆن و 605 ملیار دیناربووە، لەو بڕەش هیچ پارەیەک نەهاتووە و تەموویلى هیچ مووچەیەک نەکراوە.
• لە ساڵى 2018 بودجەى عێراق 104 تریلیۆن و 157 ملیار دینار بووە، پشکى هەرێمى کوردستان شەش تریلیۆن و 840 ملیار دینار بووە، پشکى نێردراو بۆ هەرێمى کوردستان سێ تریلیۆن و 983 ملیار دینار بووە و تەموویلى سێ مووچەى پێکراوە.
• لە ساڵى 2019 بودجەى عێراق 133 تریلیۆن و 107 ملیار دینار بووە، پشکى هەرێمى کوردستان 16 تریلیۆن و 864 ملیار دینار بووە پێش لێبڕینى سەروەرى و حاکیمە، بودجەى نێردراو پێج تریلیۆن و 315 ملیار دینار بووە، لەو ساڵەشدا تەموویلى شەش مووچەى پێکراوە.
• لە ساڵى 2020 بودجەى عێراق بەرزبووەتەوە بۆ 148 تریلیۆن دینار، پشکى هەرێمى کوردستان پێش لێبڕینەکانى سەروەرى و حاکیمە18 تریلیۆن و 751 ملیار دینار بووە. پشکى نێردراو بۆ هەرێمى کوردستان دوو تریلیۆن و 186 ملیار دینار بووە، تەموویلى سێ مووچەى پێکراوە.
• لە ساڵى 2021 بودجەى عێراق 129 تریلیۆن و 993 ملیار دینار بووە، پشکى هەرێمى کوردستان پێش لێبڕینى حاکیمە و سەروەرى 16 تریلیۆن و 470 ملیار دیناربووە، پشکى نێردراو بۆ هەرێمى کوردستان یەک تریلیۆن و 200 ملیار دینار بووە، تەموویلى یەک مووچەى پێکراوە.
• لە ساڵى 2022 بودجەى عێراق 122 تریلیۆن دینار بووە، پشکى هەرێمى کوردستان پێش لێبڕینى سەروەرى و حاکیمە 15 تریلیۆن و 457 ملیار دیناربووە، پشکى نێردراو بۆ هەرێمى کوردستان 400 ملیار دینار بووە،  تەموویلى یەک مووچەى پێکراوە.
• لە ساڵى 2023 بودجەى عێراق 198 تریلیۆن و 910 ملیار دیناربووە، پشکى هەرێمى کوردستان پێش لێبڕینى حاکیمە و سەروەرى 25 تریلیۆن و 201 ملیار دینار بووە، بەڵام تەنیا چوار تریلیۆن و 698 ملیار دینار نێردراوە و تەموویلى پێنج مووچەى پێکراوە.
• لە ساڵى 2024 بودجەى عێراق گەیشتووەتە 211 تریلیۆن و 861 ملیار دینار، پشکى هەرێمى کوردستان پێش لێبڕینى حاکیمە و سەروەرى 26 تریلیۆن و 842 ملیار دینار بووە، پشکى نێردراو 10 تریلیۆن و 26 ملیار دیناربووە کە بەرزترین بودجەى نێردراوە بۆ هەرێمى کوردستان لە 12 ساڵدا و تەموویلى 11 مووچەى پێکراوە.
• لە ساڵى 2025 بودجەى عێراق 211 تریلیۆن و 861 ملیار دینار بووە، پشکى هەرێمى کوردستان 26 تریلیۆن و 842 ملیار دینار بووە پێش لێبڕینى حاکیمە و سەروەرى، پشکى نێردراو بۆ هەرێمى کوردستان نۆ تریلیۆن و 599 ملیار دینار بووە، تەموویلى 10 مووچەى پێکراوە.
• کۆى گشتى بودجەى عێراق لە 12 ساڵى ڕابردوودا زیاتر لە یەک کواردیلیۆن و 764 تریلیۆن دیناربووە، پشکى هەرێمى کوردستان لەو 12 ساڵەدا پێش لێبڕینەکانى حاکیمە و سەروەرى 212 تریلیۆن دیناربووە، پشکى نێردراو 41 تریلیۆن دینار بووە، تەموویلى 46 مووچەى لەو 12 ساڵەدا پێکراوە.

زانیاری زیاتر بۆ تۆ

بەغداد پشکی هەرێمی کوردستان لە پڕۆژە بودجەی 2027 کەمدەکاتەوە