پووختەى هەواڵەکە:

• دەزگاى ئاسایشى هەرێمى کوردستان لە هەڵەبجە هەڵمەتێکى ڕاگەیاند.
• هەڵمەتەکە بۆ ڕووبەڕووبوونەوەى ماددەى هۆشبەر ئەنجامدرا.
• ئامانجى هەڵمەتەکە کلتوور و لێبووردەیی و پێکەوەژیان لە کۆمەڵگە بەهێزتر بکات.

---

لە پێناو پاراستنی ئاسایشی کۆمەڵایەتی و بەرەنگاربوونەوەی ئەو مەترسییە دوو قۆڵییانەی هەڕەشە لە نەوەی ئێستا و داهاتوو دەکەن، دەزگای ئاسایشی هەرێم هەڵمەتێکی نیشتمانیی فراوانی بۆ ڕووبەڕووبوونەوەی ماددە هۆشبەرەکان و هزری توندڕەوی لە سنوورى پارێزگای هەڵەبجە ڕاگەیاند.

---

ئامانجەکانى هەڵمەتەکە

• کولتوور و لێبوردەیی و پێکەوەژیان لە کۆمەڵگەدا لە ڕێگەی چین و توێژە جیاوازەکانەوە بەهێزتر بکات.
• بە هەماهەنگی لەگەڵ زانکۆی هەڵەبجە دەست بە هەڵمەتەکە کرا.
• لە ڕێگەی دوو پانێڵی زانستییەوە مەترسی و زیانەکانی ماددە هۆشبەرەکان و هزری توندڕەوی خرانەڕوو.
  

ئامارەکانی دەزگای ئاسایشی هەرێم

لە سنووری پارێزگای هەڵەبجە، لە نۆ مانگی ساڵی ڕابردوودا 63 تۆمەتباری بەکارهێنەر و بازرگانی ناوخۆیی و نێودەوڵەتی ماددەى هۆشبەر ڕاگیراون، بەڵام ئەمساڵ ڕێژەکە کەمى کردووە بۆ تەنیا 56 تۆمەتبار.

بە گوێرەی ئاماری بەڕێوەبەرایەتیی ئۆپەراسیۆنەکانی ئاسایش، هەزار و 92 تۆمەتبار بە ماددەی تیرۆر ڕاگیراون، کە 558 کەسیان لە نەتەوەى کوردن و 504یان لە نەتەوەى عەرەب.

ئەم هەنگاوانە وەک بەشێک لە ستراتیژیی گشتگیری دەزگای ئاسایش دەبینرێن بۆ بنەبڕکردنی دیاردە نەخوازراوەکان و پاراستنی سەقامگیریی ناوچەکە.

زانیاریی زیاتر بۆ تۆ

مامۆستایەکى زانکۆ: بڵاووبونەوەى ماددەى هۆشبەر بەشێوەیەکى مەترسیدار زیادیکردووە.

عێراق قەرز دەدات بەو کەسانەى لە ئالودەبوون بە ماددەى هۆشبەر چاکبوونەتەوە