پووختەى هەواڵەکە

• جووڵەی بازرگانیی ترانزێت لە عێراق زیادیکردووە.
• لە مانگی نیسانی 2025ـەوە 10 هەزار گەشتی ترانزێت ئەنجامدراوە.

---

حسێن ئەحمەد، بەڕێوەبەری ڕاگەیاندنی وەزارەتی گواستنەوە و گەیاندنی عێراق، ڕایگەیاندووە، بەرزبوونەوەی گەشتی وشکانی لە ڕێگەی سنوورەکانەوە وەک بازدانێکە لە (سیستمی تیر) لە عێراق، پێگەی وڵاتەکەش پتەوتر دەکات لە چوارچێوەی گواستنەوە و بازرگانیی هەرێمی و نێودەوڵەتی.

---

پەرەپێدان لە سیستمى تیر

• ئەمساڵ سیستمەکە پەرەپێدانی بەخۆیەوە بینیوە.
• بەهۆی ئەوەی بارەکان کە هەڵگری تابلۆی عێراقی بوون، چوونەتە وڵاتانی ئاسیای ناوەڕاست و تورکیا.
• دواتر ئۆتۆمبێلێکیان، باری لە شاری ماردینی تورکیاوە هێناوە و لە خاکی عێراقەوە ڕوویکردووەتە ئوردن.
• لە نیسانی 2025ـەوە بەهۆی سیستمی تەیر، تاوەکو مانگی تشرینی یەکەم 10 هەزار گەشتی ترانزێت لە خاکی عێراقەوە ئەنجامدراوە.
• عێراق خاڵی بەیەکەوەبەستنی بازاڕەکانی ئەورووپا و تورکیایە بە وڵاتانی کەنداو و ئوردنەوە.
• زیادبوونی گەشتەکان بەهۆی ژمارەیەک ئاسانکارییە بۆ ڕێکارەکانی گواستنەوە و پەیڕەوی سیستمی چاودێری.

سیستمی تیر (TIR) کورتکراوەی (Transports International aux Rou tiers) یان "گواستنەوەی نێودەوڵەتی ڕێگاوبان"، سیستەمێکی گومرگیی نێودەوڵەتییە بۆ ترانزێت و گواستنەوەی کاڵا لە نێوان وڵاتاندا بە شێوەیەکی پارێزراو و خێرا. عێراق دوای چەندین ساڵ دابڕان، بە فەرمی لە سەرەتای مانگی نیسانی 2025ەوە ئەم سیستەمەی خستە بواری جێبەجێکردنەوە.