پووختەى هەواڵەکە:

• دایک و باوکی بوشرا قسەی جیاواز لەبارەی ونبوونی دەکەن.
• چەندین کەس دەستگیرکراون و تیمەکانیش بە دوایدا دەگەڕێن.

---

ماوەی 38 ڕۆژە بوشرای تەمەن 11 مانگ لە باکووری کوردستان بێسەروشوێنە و سەرەڕای هەوڵەکان، تاوەکو ئێستا هیچ شوێنەوارێکی نەدۆزراوەتەوە.

---

زانیاریى لەبارەى دۆسییەکەوە:

• لە 10ـی ئەیلوولی ئەمساڵ، لە گوندێکی شارۆچکەی دیڤریگ لە پارێزگای سێواز بوشرا بێسەروشوێن بوو.
• تیمەکانی جەندرمە و هێزە ئەمنییەکان، 45 کیلۆمەتری چوارگۆشەی دەوروبەری گوندەکەیان پشکنیوە.
• تاوەکو ئێستا هیچ شوێنەوارێکیان لەبارەی بوشرا دەستنەکەوتووە.
• ئێستا تیمەکان کە لە 45 کەس پێکهاتوون، ئەو جۆگە و ئاوانە دەگەڕێن، کە لە نزیک گوندەکەن.
• چوار ڕۆژ دوای دیارنەمانی، لە دووری دوو کیلۆمەتر لەو شوێنەی بوشرای لێ ونبوو، جلوبەرگەکانی دۆزرانەوە.

دەستگیرکردنى تۆمەتباران:

• لە ماوەی ڕابردوودا، 12 کەس لەسەر دۆسییەکە دەستگیرکرابوون.
• پاش لێکۆڵینەوەیەکی درێژخایەن، دایک و باوکی بوشرا بە تۆمەتی کوشتن خرانە زیندان.
• چوار ئەندامی دیکەی خێزانەکە، بە تۆمەتی شاردنەوە و لەناوبردنی بەڵگەکانی تاوان خرانە زیندان.

دایک و باوکی منداڵەکە یەکدی تۆمەتبار دەکەن؛ دایکی منداڵەکە دوو جار قسەی گۆڕیوە و ئاماژەی بەوەکردووە، هاوسەرەکەی دەستی لە دیارنەمانی بوشرا هەیە و باوکی بوشراش هاوسەرەکەی تۆمەتبار دەکات و تۆمەتەکان ڕەتدەکاتەوە.

زانیاریى زیاتر بۆ تۆ:

لە سێواز دایک و باوکی بوشرای 11 مانگ زیندانیکران