وەبەرهێنان پێشنیاز دەکات قیست و کرێی پڕۆژەکانی نیشتەجێبوون بکرێن بە دینار
پووختەی هەواڵەکان
- دەستەی وەبەرهێنان پێشنیازیکردووە کرێ و قیستی پڕۆژەکانی نیشتەجێبوون بە دیناری عێراقی جێگیر بکرێت.
- دەستەی وەبەرهێنان: بەمەبەستى کەمکردنەوەی باری دارایی سەر شانی هاووڵاتییانە.
محەمەد شوکری، سەرۆکی دەستەی وەبەرهێنانی هەرێمی کوردستان بە کەناڵ8ى ڕاگەیاند، هەوڵێک هەیە و پێشنیازمان کردووە کە سەرجەم گرێبەست و قیستەکان و کرێى یەکەکانى نیشتەجێبوون بکرێن بەدینار لە بەرئەوەى پارەى وڵاتەکە دینارە.
سەرۆکی دەستەی وەبەرهێنانی هەرێمی کوردستان
- لە ئێستادا چاوەڕێى ئەوەن داواکارییەکەیان وەڵامبدرێتەوە .
- ئەگەر بڕیاردرا، بەدینار مامەڵەکان بکرێن قیست و کرێى مانگانەى شوێنەکان بە دینار دیارى دەکرێن.
لە ئێستادا بەشێکی زۆری کۆمپانیا و وەبەرهێنەرانی نیشتەجێبوون لە پڕۆژەکانی هەولێر، سلێمانی و دهۆک، کرێى مانگە لە هاوڵاتیان بە دۆلار وەردەگرن کە بەهۆى بەرزبوونەوەى بەهاکەى لە بەرامبەر دینار بارگرانى لەسەرییان دروستکردووە.
بەرزبوونەوەی دۆلار و زیانەکانی کرێنشینان
بەگوێرەى ئامارەکانی کۆمەڵەی کرێنشینانی کوردستان، زیاتر لە 150 بۆ 250 هەزار خێزانی کرێنشین لە هەرێمی کوردستان هەیە، کە بەشى زۆرییان کرێکەیان بە دۆلارە.
بەهۆی دواکەوتنی مووچە و سستی بازاڕەوە، زیاتر لە ٩٠%90ى کرێنشینان نزیکەی سێ بۆ چوار مانگ کرێی خانووەکانیان قەرزدارن.
هەروەها، لە هەرێمى کوردستان زیاترلە 367 پرۆژەى نیشتەجێبوون هەیە کە هەزاران کەس بەشدارن تێیاندا و قیستى مانگانەیان بە دۆلار لێوەردەگیرێت.
زانیاریی زیاتر بۆ تۆ
ئامانج جەلال بۆ کەناڵ8: قوباد تاڵەبانى سەرپەشتى گەشەکردنى پڕۆژەکانى وەبەرهێنانى کردووە
2 کاتژمێر پێش ئێستا