پووختەی هەواڵەکە

• بەڕێوەبەرایەتیى گشتیى شارەوانییەکانى هەولێر ڕایگەیاند، ئەمڕۆ 1700 پارچە زەوی بەسەر فەرمانبەران دابەشدەکرێت.
•  زەوییەکان لە سنووری سەرۆکایەتیی شارەوانییەکانی گوێر و سەرۆکایەتیی سفەییە دابەشدەکرێن.

---

دوای بڕیاری ئەنجوومەنی وەزیران بۆ پێدانی زەوی بە فەرمانبەرانی سوودمەند نەبوو، پڕۆسەکە لە شارەکانی هەرێمی کوردستان دەستیپێکردووە و تاوەکو ئێستا نزیکەی 85 هەزار فەرمانبەر لە سێ پارێزگاکە زەوییان وەرگرتووە.

---

بەگوێرەی نووسراوی ژمارە 242ـی سەرۆکایەتیی ئەنجوومەنی وەزیران کە لە 27ـی ئازاری 2024 دەرکراوە.

•  بڕیاردرا زەویی 200 مەتری بدرێتە ئەو فەرمانبەرانەی تاوەکو ئێستا سوودمەند نەبوون.
•  لەسەرجەم هەرێمی کوردستان ناوی نزیکەی 500,000 فەرمانبەر و خانەنشین پەسەندکراوە.
•  بەو مەرجەی ساڵانی خزمەتیان لە 8 ساڵ کەمتر نەبێت.
• لە سنووری پارێزگای هەولێر 83,000 کەس مافی وەرگرتنی زەوییان هەیە، لەو ژمارەیەش تاوەکو ئێستا نزیکەی 45,000 فەرمانبەر زەوییان وەرگرتووە.
•  لە دوایین هەنگاویشدا لە 8ـی تەمموز، بڕی 2,600 پارچە زەوی لە ڕێگەی تیروپشکەوە بەسەر فەرمانبەرانی سەربازی و شارستانی لە شارۆچکەى خەبات و شارەدێى ڕزگاری دابەشکرا.

زانیاریی زیاتر بۆ تۆ

لە سلێمانی قۆناغێکی نوێی دابەشکردنی زەوی بەسەر فەرمانبەراندا دەستپێدەکات