ئەنجوومەنى پارێزگاى نەینەوا دەرگاى خۆپاڵاوتنى بۆ پۆستى قایمقامى شنگال کردەوە

پووختەى هەواڵەکە

ئەنجوومەنى پارێزگاى نەینەوا لە بارەى شنگالەوە بڕیارێکى دەرکرد.
دەرگاى خۆپاڵاوتن بۆ پۆستى قایمقامى شنگال کرایەوە.
ماوەى خۆپاڵاوتنەکە بۆ ماوەى پێنج ڕۆژە.

ئەنجوومەنى پارێزگاى نەینەوا بە نووسراوێکى فەرمى و واژۆى د,ئەحمەد یونس، سەرۆکى ئەنجوومەنى پارێزگاى نەینەوا، دەرگاى بۆ خۆپاڵاوتن بۆ پۆستى قایمقامى شنگال کردووەتەوە و بڕیارە وادەى خۆپاڵاوتنەکەش پێنج ڕۆژ بخایەنێت.

ناوەڕۆکى نووسراوەکەى ئەنجوومەنى پارێزگاى نەینەوا

ئەنجوومەنی پارێزگای نەینەوا: حەوت مەرج دانراوە دەبێت لە داواکاردا بوونی هەبێت.
ئەنجوومەنی پارێزگای نەینەوا: داواکار نابێت خەڵکی دەرەوەی پارێزگاکە بێت.
داواکار پێویستە خاوەنى بڕوانامەى بەکالۆریۆس بێت.
داواکار دەبێت بەهیچ شێوەیەک سزا و بەند نەکرابێت.
نابێ بۆ لێپرسینەوە بانگهێشتى دادگا کرابێت.
نابێت ئەندامى هێزە ئەمنیی و هەواڵگرییەکان بووبێت.

پۆستى قایمقامى شنگال لە دوای ڕووداوەکانی 16ـى ئۆکتۆبەری 2017 و کشانەوەی دەسەڵاتی ئیداریی پێشوو (کە مەحما خەلیل قایمقامی بوو)، تووشی بۆشاییەکی ئیداریی گەورە ببوو یان بە وەکالەت بەڕێوەدەبرا.

ڕێککەوتنامەی شنگال (2020) کە لە نێوان هەولێر و بەغداد واژۆ کرا، یەکێک لە خاڵە سەرەکییەکانی دیاریکردنی قایمقامێکی هاوبەش و پیشەیی بوو بۆ شارەکە، بەڵام جێبەجێکردنی پڕۆسەی ئیداریی شارەکە لە ڕێگەی ئەنجوومەنی پارێزگاوە گرژی و ململانێی سیاسی نێوان لایەنە کوردی و عێراقییەکانی بەردەوامى پێداوە.

زانیاریی زیاتر بۆ تۆ

لەسەر واژۆنەکردنی پۆستی قایمقامی شنگال و شارەدێی سنونێ سکاڵا لەسەر پارێزگاری نەینەوا تۆمارکرا