• یارییەکە لووتکەی قۆناغی کۆمەڵەکانی چامپیۆنزلیگ دەبێت لە نێوان پاریس سانجێرمان و بەرشلۆنە.
• پاریس سانجێرمان بە پێشەنگی و بە کۆکردنەوەی 6 خاڵ میوانداریی یارییەکە دەکات.
• بەرشلۆنە بە ڕاهێنەرایەتی هانسی فلیک و بە تۆمارکردنی ژمارەی پێوانەیی یارییەکە دەکات.
• هەردوو یانە لە باشترین دۆخی هونەریدا پێکدەگەن و مێژوویەکی گەورە لە خولەکەدا دەنووسنەوە.

ئەمڕۆ لە گەڕی سێی خولی یانە پاڵەوانەکانی ئەورووپا، یانەی پاریس سانجێرمانی فەرەنسی و هەڵگری نازناوی دوو وەرزی ڕابردوو، لە یاریگای خۆیدا پێشوازی لە یانەی بەرشلۆنەی ئیسپانی دەکات کە خاوەنی شەش خاڵە و بە بەهێزیی تۆڕی گۆڵی ڕکابەرەکانی هەژاندووە.

پاریس سانجێرمان دوای دەستپێکێکی ئاسایی، شەممەی ڕابردوو بە بردنەوەی 3 بە 1 بەرامبەر ستراسبۆرگ ، شەشەم سەرکەوتنی لەسەریەکی لە سەرجەم خولەکاندا تۆمار کرد. ئەوان دوای بردنەوە سەرنجڕاکێشەکەیان بەرامبەر مانچێستەر سیتی بە ئەنجامی 4 بە 2، زنجیرەی بێشکستیی خۆیان لە خولی یانە پاڵەوانەکانی ئەورووپا بۆ 12 یاری درێژکردەوە.

 لە بەرامبەردا، بەرشلۆنە 11ەمین سەرکەوتنی لەسەریەکی ئەم وەرزەی بە بەدەستهێنانی بردنەوەیەکی گەورە بە ئەنجامی 5 بە 2 بەرامبەر ڕیاڵ بێتیس تۆمار کرد. هانسی فلیک، راهێنەری یانەکە، بە ڕێژەی تۆمارکردنی 3 گۆڵ لە هەر یارییەکدا، باشترین ئاماری لە مێژووی یانەکەدا هەیە، لەبەرئەوە ئەم یارییە پڕ دەبێت لە ڕکابەری بەهێز لەسەر بردنەوە و نووسینەوەی مێژوویەکی نوێ.