كاریگهریی خواردنەوە كحولییەکان لهسهر جگهر
یهکێک له هۆکارهکانی تووشبوون به بەریشاڵبوونی جگهر، خواردنهوهی کحوله به رێژهیهکی زۆر. ئهم حاڵهته زیاتر لهو کهسانهدا روودەدات که بۆ چهندین ساڵ به بهردهوامی و به رێژهیهکی زۆر دهخۆنهوه.
پهیوهندی نێوان کحول و نەخۆشییەکانی جگهر، بابهتێکی ئاڵۆزه، ههموو ئهو کهسانهش که بهرێژهیهکی زۆر دهخۆنهوه، تووشی بەریشاڵبوونی جگهر نابن، بهڵام ئەگەر کهسێک تووشببێت و هۆکارهکهشی زۆر خواردنەوەی ماددە کحولییەکان بێت، ناچاره واز له خواردنهوه بهێنێت، چونکه ئەگهر کهسهکه بهردهوام بێت له خواردنهوه، مهترسیی زیاتر لهسهر جگهری دروستدهکات و رهنگه ببێته هۆی گیانلەدەستدانی.
نیشانەکان بریتینلە:
- زهردوویی، که له سپێنهی چاودا بەڕوونی ههستی پێدهکرێت
- کهمبوونەوەی حەزی خواردن
- ئێڵنج و رشانهوه
- ئازاری سک
- تا
- ئەگەر حاڵهتهکهش توند بێت، ئاوسانی سک به هۆی کۆبوونهوهی ئاو، سهرگێژخواردن و گۆڕانکاری له رهفتاردا به هۆی کۆبوونهوهی ئهو مادده ژههراوییانهی که له کاتی ئاساییدا له رێی جگهرهوه دهکرێنە دەرەوەی جەستە
- له حاڵهتی توندتریشدا، نهخۆش تووشی سستی گورچیلهکانی دهبێت
کێ زیاتر مەترسی لەسەرە؟
- ژنان مهترسی تووشبونیان زیاتر لهسهره بهراورد به پیاوان
- قهڵهوی مهترسیی تووشبوون زیاد دهکات.
- چهند توێژینهوهیهک دهریان خستووه که بۆماوەییش کاریگهری ههیه لهسهر زیادکردنی مهترسی تووشبوون لهو کهسانهدا که بەرێژەیەکی زۆر خواردنەوە کحولییەکان دەخۆنەوە
- ئەو کەسانەی بڕێکی زۆر لە خواردنەوە کحولییە قورسەکان دەخۆن مەترسییان زیاتر لەسەرە بەراوورد بەو کەسانەی بڕێکی کەمتر دەخۆنەوە
لێکەوتەکانی بەریشاڵبوونی جگەر بەهۆی زۆر خواردنەوەی ماددە کحولییەکانەوە:
- گهوره بوونی مولوولهکانی خوێن که رهنگه ببێته هۆی تهقینیان و گهڕانهوهی خوێن بۆ گەدە و سورێنچک
- کۆبوونهوهی ئاو لەنێو سکدا کە دەبێتە هۆی ئاوسانی سک
- تێکچونی باری هۆشداری و خاوبوونهوهی قسهکردن به هۆی زیانی مێشکهوه
- برینداربوون و لهکارکهوتنی جگهر
- مردن
لەبەر ئەم هۆکارانە، دەستنیشانکردنی ئەم حاڵەتە و وازهێنان لە خواردنەوە کحولییەکان و وەرگرتنی چارەسەری پێویست، ئەو هەنگاوە گرنگانەن کە دەبێت نەخۆش پەیڕەویان بکات.
ئەم حاڵەتە چۆن چارەسەر دەکرێت؟
نهخۆش ههر کات نیشانهکانی بەریشاڵبوونی جگهری ههبوو، دهبێت بەزوویی سهردانی پزیشکی پسپۆری نهخۆشییهکانی ههرس و جگهر بکات، چونکه ئهم نهخۆشییه مهترسیداره و رهنگه ببێته هۆی گیانلەدەستدانی کهسهکه. لە قۆناغی یەکەمی چارەسەردا، پزیشکی پسپۆر خواردنەوە کحولییەکان لە نەخۆشەکە قەدەغە دەکات و بەگوێرەی قورسی هەوکردنەکەی، چارەسەری پێویستی بۆ دەنووسێت.
08/12/2023