بافڵ جەلال تاڵەبانی، سەرۆکی یەکێتیی نیشتمانیی کوردستان لە پەیامێکدا داوا لە هاونیشتمانیان دەکات بەشداریی بەرفراوانیان لە دەنگداندا هەبێت و مافی دیموکراسیی خۆیان پەیڕەو بکەن.

سەرۆکی یەکێتیی نیشتمانیی کوردستان لە پەیامێکدا کە ئاڕاستەی هاونیشتمانیانی کردووە و لە پەڕەی فەرمیی خۆی لە تۆڕی کۆمەڵایەتیی فەیسبووک بڵاویکردووەتەوە دەڵێت " داواکارم روو لە سندووقەکانی دەنگدان بکەن و بەشداریی بەرفراوانتان هەبێت، مافی دیموکراسیی خۆتان پەیڕەو بکەن و دەنگ بۆ بونیادنانی داهاتوویەکی گەشتر بدەن."

بافڵ جەلال تاڵەبانی گوتووشیەتی "ئەمڕۆ رۆژێکی گرنگە و دەنگ بدەن، شانازییەکی تر بۆ مێژووە درەوشاوەکەتان تۆمار بکەن و رۆڵەکانی داهاتوو پێویستیان بە دەنگی ئێوەیە، دڵنیاشم لە ئاست ئەو بەرپرسیارێتییە نەتەوەیی، ئەخلاقی و مێژووییەدا دەبن.